ئه‌نجوومه‌نی سه‌ركردایه‌تی پارتی دیموكراتی كوردستان له پارێزگای سلێمانی و هه‌ڵه‌بجه په‌یامێكی پیرۆزبایی ئاراسته‌ی ستافی به‌ڕێوه‌بردن و كارمه‌ندانی ده‌زگای سه‌ته‌لایتی كوردستان كرد به‌بۆنه‌ی 23مین ساڵیادی دامه‌زراندنییه‌وه.
ده‌قی په‌یامه پیرۆزباییه‌كه‌ی ئه‌نجوومه‌نی سه‌ركردایه‌تی بۆ كوردستان تیڤی:-
بەڕێزان/ سەرپەرشتیاری گشتی و ھەڤاڵانی ستافی بەڕێوەبردن و کادیر و كارمەندانی كوردستان تیڤی..
لە (23)هەمین ساڵیادی دامەزراندنی كەناڵی ئاسمانی كوردستان تیڤی گەرمترین و جوانترین پیرۆزبایی خۆمان ئاراستەی ئێوەی بەڕێز و بینەرانی ئازیزی كەناڵەكەتان دەكەین و، كەناڵی ئاسمانی كوردستان تیڤی وەک یەکەمین کەناڵی ئاسمانی كوردی لە ناوخۆی ھەرێمی کوردستان كە دامەزرا، لە سەرەتاوە هەڵگری پەیامێكی نەتەوەیی و خەمخۆریی بوو، كەناڵێكی سەنگین و ڕاستگۆ بوو، هیچ كاتێك پیشەیی بوونی خۆی لە دەستنەداوە و هەمیشە ڕەسەنانە كاری میدیایی خۆی بەجێ گەیاندووە.
لە ساڵیادی دامەزراندنتاندا داواكارین زیاتر پەرە بە بواری كولتووری و رۆشنبیری و زمانەوانی و پیشەی ڕەسەنی میدیایی و نوێگەری بدەن و ئەو پەیامە جوانە میدیاییەی كە 23 ساڵە كوردستان تیڤی هەڵگرییەتی، زیاتر پەرەی پێ بدرێت.
لەم یادەدا جارێكی تر پیرۆزبایی گەرمی خۆمانتان ئاڕاستە دەكەین و بە ئومێدی سەركەوتنتانین.
ئەنجوومەنی سەركردایەتی پارتی دیموكراتی كوردستان
لە پارێزگای سلێمانی - هەڵەبجە.
17ی كانوونی دووهەمی 2022.
کۆمێنت (0)
تا ئێستا هیچ کۆمێنتێک نەکراوە.