Erbil 15°C ھەینی 29 ئازار 10:02

به‌رده‌ڕه‌ش.. له‌ ڕووداوێکی هاتووچۆ 7 که‌س گیانیان له‌ده‌ست دا

کوردستان TV
100%

ئێواره‌ی ئه‌مڕۆ چوارشه‌م، ڕووداوێكی هاتوچۆ له‌ جۆری پێكدادان له‌سه‌ر ڕێگای به‌رده‌ڕه‌ش-كه‌ڵه‌ك ڕووی دا و به‌هۆیه‌وه‌ 8 كه‌س بوونه‌ قوربانی.

له‌سه‌ر ڕووداوه‌كه، حازم محه‌مه‌د به‌پرسی ڕاگه‌یاندنی پۆلیسی هاتوچۆی به‌رده‌ڕه‌ش به‌ (كوردستان تیڤی) ڕاگه‌یاند: ڕووداوه‌كه‌ له‌سه‌ر ڕێگای سه‌ره‌كی به‌رده‌ڕه‌ش-كه‌ڵه‌ك و له‌ نزیك گوندی گرده‌پان له‌نێوان ئۆتۆمبیڵێكی جۆری شۆفرلێت  تایبه‌ت و كامیۆنێكی بارهه‌ڵگر ڕوویداوه‌.

ڕاشیگه‌یاند: به‌هۆی ڕووداوه‌كه‌‌ 7 كه‌س كه‌ 2 پیاو و 3 ئافره‌ت و 2 منداڵ بوون و سه‌رجه‌میان له‌ناو ئۆتۆمبیلی شۆفرلێته‌كه‌ بوون گیانیان له‌ده‌ستداوه‌، هه‌روه‌ها كه‌سێكی دیكه‌ كه‌ شۆفێری كامیۆنه‌كه‌یه‌ به‌ سه‌ختى بریندار بووه‌.

به‌پرسی ڕاگه‌یاندنی پۆلیسی هاتوچۆی به‌رده‌ڕه‌ش هه‌روه‌ها ڕایگه‌یاند: ته‌رمی قوربانییه‌كان بۆ بنكه‌ی ته‌ندروستی به‌رده‌ڕه‌ش گوازراوه‌نه‌ته‌وه‌ و دواتریش بۆ مه‌به‌ستی پشكنین و توێكاری ته‌رمه‌كانیان ڕه‌وانه‌ی پزیشكی دادی ئاكرێ كراون.

کوردستان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.