Erbil 15°C ھەینی 29 ئازار 13:23

بەهۆی تەقینەوەیەک لە سەرێ کانیێ ژماره‌یه‌ک قوربانی لێکه‌وته‌وه‌

کوردستان TV
#12
100%

ل باژارێن هه‌سه‌كێ و سه‌رێ كانیێ و عه‌فرینێ سێ ته‌قین روودان و د ئه‌نجام دا، حه‌فت كه‌س هاتنه‌ كوشتن و سیھ و نه‌هـ كه‌س ژی بریندار بووینه‌.

په‌یامنێرێ كوردستان تیڤی راگه‌هاند كو ئیرۆ د ناڤبه‌را هێزێن به‌رگری یا شارستانی و هێزێن ئه‌منی یێن حكومه‌تا سوریا ل باژێرێ حه‌سه‌كه‌ شه‌ر دروست بوویه‌. و ئاماژه‌ ب وێ ئێكێ ژی كر كو شه‌ر ل بازارا كاركه‌ران دا روودایه‌ و د ئه‌نجام دا بیست و شه‌ش كه‌س بریندار بوونه‌ و یه‌ك كه‌سی ژی گیانێ خۆه‌ ژ ده‌ستدایه‌ و ره‌وشا شه‌ش كه‌سان ژی خراپه‌.

هه‌روه‌ها لگۆری چاڤكانیێن خوه‌جهی یێن باژێرێ سه‌رێ كانیێ ژبال هنده‌ك كه‌س ڤه‌ ئۆتۆمبێله‌ك بۆمبه‌رێژكری ل نیزیكی بازارا كه‌سكاتیێ هاتیه‌ ته‌قاندن، و د ئه‌نجام دا پێنج كه‌سان گیانێ خوه‌ ژ ده‌ستدانه‌ و چار كه‌سێن دی ژی بریندار بووینه.

هه‌روه‌ها ئێڤاری یا ئیرۆ ته‌قین ل باژێرۆكێ جندێرسێ یێ سه‌ر ب باژیرێ عه‌فرینێ روودا و ب سه‌ده‌ما وێ ده كه‌س بوونه‌ قوربانی لگۆری چاڤكانیێن خوه‌جهی یێن باژێرێ عه‌فرینێ ته‌قین د رێیا ئۆتۆمبێله‌كه‌ بۆمبه‌رێژكری بووه‌ و ب سه‌ده‌ما وێ ژی كه‌سه‌كێ گیانێ خوه‌ ژ ده‌ستدایه‌ و نه‌هـ كه‌سێن دی ژی بریندار بووینه‌، و هه‌تا نه‌ها ژی تو ئالیه‌كێ به‌رپرسیاره‌تی یا ته‌قینا باژێرێ سه‌رێ كانیێ و عه‌فرینێ نه‌گرتیه‌ ستوێ خوه‌. تێ زانین كو باژێرێ سه‌رێ كانیێ و عه‌فرینێ نه‌ها دبن ده‌ستێ توركیێ و گرۆپێن چه‌كدار یێن سه‌ر ب وێ ڤه‌ نه‌.

كوردستان TV

سوریا

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.