بە بۆنەی جەژنی نەتەوەیی نەورۆز ، خانمە گۆرانیبێژی ناسراوی كورد " چۆپی فەتاح " دوو كۆنسێرتی جەماوەری لە بەریتانیا ئەنجام دەدات.
ئه‌م گۆرانیبێژه لە هەژماری تایبەتیی خۆی لە تۆڕی كۆمەڵایەتیی " ئینستاگرام " وێنه‌یه‌كی خۆی بڵاوكردووه‌ته‌وه و ئاشكرایكردووه ، بە بۆنەی هاتنی جەژنی نەتەوەیی نەورۆز ڕۆژی یەكشەممە و دووشەممەی ئەو هەفتەیە 2019 /3/24 لە هه‌ردوو شاری لەندەن و مانچستەری وڵاتی بەریتانیا كۆنسێرتێكی جەماوەری ئەنجام دەدەات .
چۆپی ، دوای ئەوەی دوو ساڵ لەمەوبەر هاوسەرگیری كرد لەو ماوەیەدا بەشداری هیچ ئاهەنگ و كۆنسێرتێكی نەكردووە، بۆیە لە ڕێگەی ئەنجامدانی ئەو كۆنسێرتەوە دەیەوێت دەست بە ئەنجامدانی ئاهەنگ و بەرنامە تەلەفزیۆنییەكانی بكاتەوە.
چۆپی فەتاح، خەڵكی شاری كەركوكە، لەگەڵ خانەوادەكەی لە ئەورووپا دەژی، خاوەنی چەندین ئەلبوومی گۆرانی و ڤیدیۆ كلیپە، جگە لە كاری هونەری لە هەولێر دوكانێكی دروستكردنی جلوبەرگی له‌م شاره بە ناوی چۆپی دیزاین كردووەتەوە.
کۆمێنت (0)
تا ئێستا هیچ کۆمێنتێک نەکراوە.