حكوومەتی هەرێمی كوردستان رایگەیاند كە ئەمڕۆ پێنجشەممە هاوکاری هاوپەیمانان خرایە سەر هەژماری بانکیی زیاتر لە 26,000 پێشمەرگەی لیوا هاوبەشەکان و تا ئێستا بەشی هەرەزۆریان لە رێگەی ئامێرەكانی راكێشانی پارەوە مووچەكانیان وەرگرتووە.
ئەو پێشمەرگانەی لیوا هاوبەشەکان لە سلێمانی و هەولێر و دهۆک دەتوانن سەردانی زیاتر لە 75 ناونیشانی جیاواز بکەن بۆ ڕاکێشانی مووچەکانیان.
تەنیا لە سنووری پارێزگای سلێمانی 6 هەزار پێشمەرگەی لیوا هاوبەشەكان مووچەكانیان خراوەتە سەر هەژماری من و دەتوانن لە رێگەی ئامێرەكانی راكێشانی پارەوە مووچەكانیان وەربگرن.
ئامێرەكانی راكێشانی پارەی پڕۆژەی هەژماری من لە پارێزگای سلێمانی دەكەونە ئەم شوێنانەی خوارەوە:-
1- شەقامی سالم، بەردەم سەرۆکایەتیی شارەوانیی سلێمانی.
2- شەقامی سلێمانی-کەرکووک، بەرامبەر بینای پارێزگای سلێمانی، ڕیزی شەکرەکە.
3- بەکرەجۆ، بەرامبەر فەرمانگەی دادنووسی سلێمانی.
کۆمێنت (0)
تا ئێستا هیچ کۆمێنتێک نەکراوە.