سێ کەسی بە ڕەگەز سووری بە تۆمەتی چەندین کاری دزی، دزی و ڕێگریکردن لە خەڵک دەستگر کران.
بەڕێوەبەرایەتی پۆلیسی پارێزگای هەولێر بڵاویكرده‌وه، ئەو تۆمەتبارانەی دەستگیر کران، کە هەستابوون بە ئەنجامدانی چەندین تاوانی دزی لە ژمارەیەکی (مارکێت و دەرمانخانە).
پۆلیسی ئاماژه‌ی به‌وه‌ش كردووه: تۆمەتباران خەڵکی وڵاتی سووریان، پاش وەرگرتنی ڕەزامەندیی دادوەری لێکۆڵینەوە، دەستگیر کران و دانیان نا بە تاوانەکانیان.
ئاماژه به‌وه‌ش كراوه، تۆمەتباران لەکاتی ئەنجامدانی تاوانەکانیان چەکیان بەکارهێناوە لە بەرانبەر هەر هەڕشەیەک کە ڕووبەڕوویان بووبێتەوە.
پۆلیسی هه‌ولێر ڕاشیگه‌یاندووه، ئێستا پەڕاوی لێکۆڵینەوە بۆ تۆمەتباران کراوەتەوە و بەپێی ماددەی (443) لە یاسای سزادانی عێراقی دراونەتە دادگا.
له كۆتاییدا پۆلیسی هەولێر ئەو کەسانە ئاگادار دەکاتەوە، کە بە نیازی ئەنجامدانی تاوانن و ڕایگه‌یاندووه، دەبێت بیر لە سزاکەی بکەنەوە چونکە ئێستادا کەس لە دەست یاسا و پۆلیس و هێزە ئەمنییەکان دەربازی نابێت.
کۆمێنت (0)
تا ئێستا هیچ کۆمێنتێک نەکراوە.