ئه‌ڤرۆ سپێدێ رۆژا چارشه‌مبى 18 /ئه‌یلولا/2024 " د.عه‌لى ته‌ته‌ر" پارێزگارێ دهۆكێ پێشوازیا شانده‌كێ لیژنا سه‌رپه‌رشتیكرنا هه‌لبژاردنان ل پارێزگه‌ها دهۆكێ كر یێ پێك هاتى ژ (د.فتاح محمد حسین ) ئه‌ندامێ جڤاتا كومسیونێ سه‌روكێ لژنێ و(عه‌لى فه‌یسه‌ل ده‌حام) ئه‌میندارێ گشتى یێ جڤاتا كومسیونێ یێ لیژنا سه‌رپه‌رشتیكرنا هه‌لبژاردنان ل پارێزگه‌هێ و(خالد عه‌باس) به‌رپرسێ لقێ دهۆك یێ كومسیونا بلند یا هه‌لبژادنان كر.
دهه‌ڤدیتنه‌كێدا به‌حسێ ره‌وشا پارێزگه‌ها دهۆكێ وبه‌رهه‌ڤیێن دهێنه كرن بۆ هه‌وا ئه‌نجامدانا هه‌لبژاردنێن په‌رله‌مانێ كوردستانێ وپێرابونێن ئه‌منى وكارگێرى ل سنورێ پارێزگه‌هێ بۆ سه‌رئێخستنا وێ پروسا دیموكراتى هاته كرن.
نونه‌رێن كومسیونێ خوشحالیا خۆ دیاركر هه‌مبه‌ر وێ هه‌ڤكارى وهاریكاریا هه‌ى دناڤبه‌را لقێ دهۆك یێ كومسیونێ وپارێزگه‌ها دهۆكێ وخواست كو ئاستێ وێ هه‌ڤكاریێ پتر لێ بهێت بۆ وێ یه‌كێ پارێزگه‌ها دهۆكێ هه‌ر بمینیت ل ئاستێ نایاب وه‌كۆ هه‌لبژاتنێن ساڵێن ده‌ربازبوى كۆ پاقژترین هه‌وێن هه‌لبژاردنان لێ هاتبوونه ئه‌نجامدان.
پارێزگارێ دهۆكێ خوشحالیا خۆ ب سه‌ره‌دانێ دیاركر وته‌كه‌زكر كو ل دووڤ راسپاردێن حكومه‌تا هه‌رێما كوردستانێ دڤێت هه‌لبژاردن لدووڤ یاسا ورێنمایێن كومسیونا بلند یا سه‌ربه‌خۆ یا هه‌لبژاردنان ب ره‌نگه‌كێ ئازاد ودیموكراتى بهێنه ئه‌نجامدان وبه‌رهه‌ڤیا پارێزگه‌هێ نیشان دا بۆ هه‌ر هاریكاریكێ كۆ ئه‌ڤ پروسه سه‌ركه‌فتیانه بهێته ئه‌نجامدان.
پارێزگارێ دهۆكێ دوپاتكر كۆ دڤێت هه‌لبژاردان لدووڤ یاسا ورێنمایێن كومسیونا بلند یا هه‌لبژاردنان ب ره‌نگه‌كێ ئازاد بهێنه ئه‌نجامدان
100%
کۆمێنت (0)
تا ئێستا هیچ کۆمێنتێک نەکراوە.