تۆمەتبارێك دەستگیرکرا و هاوکات بڕی(35) کیلۆگرام ماددەی هۆشبەریش لەجۆری کریستاڵ دەستی بەسەرداگیرا.
له ڕاگه‌یه‌ندراوێكدا به‌رێوه‌به‌رایه‌تی نەهێشتنی ماددە هۆشبەرەکان بڵاویكرده‌وه، لە بـەردەوامی هەوڵەکانمان بۆ بەرەنگاربوونەوە و نەهێشتنی ماددە هۆشبەرەکان، دوای بەدواداچوون و کۆکردنەوەی زانیاری پاشان وەرگرتنی فەرمانی دادوەری لێکۆڵینەوەی ئاسایش، لە ڕێکەوتی 12ـی7ـی2024، تیمەکانی بەڕێوەبەرایەتیەکەمان لەچالاکییەکدا لە شاری دهۆك، توانییان تۆمەتبارێك بە (35) کیلۆگرام ماددەی هۆشبەرەوە لەجۆری کریستاڵ دەستگیربکەن.
به‌رێوه‌به‌رایه‌تییه‌كه ئاماژه‌ی به‌وه‌ش داوه، لە ئێستادا تۆمەتبارەکە بەپێی یاسای بەرەنگاربوونەوەی ماددە هۆشبەرەکان و کارتێکەرە ئەقڵییەکان ڕاگیراوەو لە ژێر لێکۆڵینەوەدایە.
کۆمێنت (0)
تا ئێستا هیچ کۆمێنتێک نەکراوە.