ژمارەی سەربازە كوژراوەكانی ئیسرائیل بۆ 562 سەرباز بەرزبووەوە

بەرەبەیانی ئەمڕۆ یەكشەممە سوپای ئیسرائیل كوژرانی یەكێك لە سەربازەكانی لە شەڕە بەردەوامەكانی باشووری كەرتی غەززە ڕاگەیاند.
سوپای ئیسرائیل ڕایگەیاند، دوێنێ شەممە، سەربازێكی كەتیبەی ئەندازیاری لە شەڕێكدا لە باشووری كەرتی غەززە كوژراوە.
بە كوژرانی ئەم سەربازە یەدەگەوە، ژمارەی ئەو ئەفسەر و سەربازە ئیسرائیلیانەی كە لە شەڕەكانی غەززەدا لە سەرەتای دەستپێكردنی ئۆپەراسیۆنە زەمینییەكانەوە كوژراون ، بۆ 225 كوژراو بەرزبووەتەوە .
سەبارەت بە كۆی ژمارەی كوژراوانی سوپای ئیسرائیل لە دوای هێرشەكەی 7ی تشرینی یەكەمی 2023ەوە، بەپێی ئامارەكانی سوپای ئیسرائیل گەیشتووەتە 562 سەرباز.