چوار چەكداری حزبوڵڵای لوبنان كوژران

حزبوڵڵای لوبنان كوژرانی چوار چەكداری دیكەی خۆی لە پێكدادانەكانی لەسەر سنوورەكانی باشووری ئەو وڵاتە لەگەڵ ئیسرائیل، ڕاگەیاند.
لەبارەی پێكدادانەكان لە سنوورەكانی باشووری لوبنان لەگەڵ ئیسرائیل، حزبوڵڵا ڕاگەیاندراوێكی بڵاو كردەوە.
بەگوێرەی راگەیەندراوەكە، حەسەن مووسەوی، حەیدەر مزاوی، ڕەكان سەیفەدین و عەباس عەجەمی كە ئەندامی حزبوڵڵا بوون، كوژراون.
بەهۆی پێكدادانی نێوان سوپای ئیسرائیل و حزبوڵڵا لەسەر سنووری لوبنان لە 8ی تشرینی یەكەمەوە تا ئێستا، 133 چەكداری حزبوڵڵا كوژراون. هەروەها لە پێكدادانەكاندا 28 كەسی سڤیل لە لوبنان، پێنج لە ئیسرائیل و نۆ سەربازی ئیسرائیلیش كوژراون.