ئه‌مڕۆ پێنجشه‌م 10 حاڵه‌تی نوێی تووشبوونی كۆلێرا له سنووری شارۆچكه‌ی كۆیه تۆمار كرا و یه‌كێك له تووشبووه‌كانیش منداڵێكی ته‌مه‌ن 5 ساڵانه.
هاوكار عه‌لی گوته‌بێژی ته‌ندروستی كۆیه به (كوردستان تیڤی) ڕاگه‌یاند: ئه‌مڕۆ پێنجشه‌م 10 حاڵه‌تی كۆلێرا له سنووری شارۆچكه‌ی كۆیه تۆمار كرا.
ڕاشیگه‌یاند: 8 له تووشبووه‌كان دانیشتووی شاره‌دێی ته‌قته‌قن و دووانه‌كه‌ی تریش خه‌ڵكی كۆیه‌ن.
هه‌روه‌ها ڕایگه‌یاند: به‌داخه‌وه یه‌كێك له تووشبووه‌كانی ئه‌مڕۆ منداڵێكه و ته‌مه‌نی ته‌نیا 5 ساڵه.
هاوكار عه‌لی گوته‌بێژی ته‌ندروستی كۆیه جه‌ختیشی كرده‌وه كه سه‌رجه‌م تووشبووه‌كان باری ته‌ندروستییان جێگیره و له نه‌خۆشخانه چاره‌سه‌ری وه‌رده‌گرن.
كۆیه / كانیاو حه‌كیم
کۆمێنت (0)
تا ئێستا هیچ کۆمێنتێک نەکراوە.