سەرۆکی حکوومەتی هەرێمی کوردستان و هەڵسوڕێنەری باڵیۆزخانەی فەرەنسا لە عێراق گفتوگۆیان لە چاکسازییەکانی حکوومەت و گرنگیی ئەنجامدانی هەڵبژاردن و ڕەوشی ناوچە کوردستان کوردستانییەکانی دەرەوەی ئیدارەی هەرێمی کوردستانیان تاوتوێ کرد.
ئەمڕۆ چوارشەممە 16ـی 08ـی 2023 مەسرور بارزانی سەرۆکی حکوومەتی هەرێمی کوردستان، پێشوازی لە جان کریستۆف هەڵسوڕێنەری کاروباری باڵیۆزخانەی فەرەنسا لە عێراق کرد.
لە دیدارەکەدا دوایین پێشهات و دۆخی گشتیی عێراق و کێشەکانی هەرێمی کوردستان و حکوومەتی فیدراڵ تاوتوێ کرا و جەخت لە پێویستیی پاراستن و ڕێزگرتن لە مافە دەستوورییەکانی گەلی کوردستان لەسەر بنەمای ڕێککەوتنەکان و دەستوور کرایەوە.
لە تەوەرێکی دیکەی کۆبوونەوەکەدا، گفتوگۆ لەبارەی چاکسازییەکانی کابینەی نۆیەمی حکوومەتی هەرێمی کوردستان و گرنگیی ئەنجامدانی هەڵبژاردنی پەرلەمانی کوردستان لە کاتی دیاریکراوی خۆی لە 25ـی شوباتی ساڵی داهاتوو و بارودۆخی ناوچە کوردستانییەکانی دەرەوەی ئیدارەی هەرێمی کوردستان و پێویستی کۆتاییهێنان بە شاڵاوی گۆڕینی دیمۆگرافی لەو ناوچانە کرا.
کۆمێنت (0)
تا ئێستا هیچ کۆمێنتێک نەکراوە.