بزانه‌ پله‌كانی گه‌رمای تێكڕای ئه‌م هه‌فته‌یه‌ چۆن ده‌بێت

شاره‌زایه‌كی كه‌شناسی پێشبینی بۆ پله‌كانی گه‌رمای ته‌واوی ئه‌م هه‌فته‌یه‌ كرد و ڕایگه‌یاند كه‌ پله‌ی گه‌رمی ئه‌م هه‌فته‌یه‌ هاوشێوه‌ی ئه‌مڕۆ دووشه‌م به‌ جێگیری ده‌مێنێته‌وه‌.

ئاراس جه‌بار شاره‌زای كه‌شناسی ڕایگه‌یاند: ئەمڕۆ دووشه‌م پلەکانی گەرما لە تەواوی ناوچەکان ڕووی لە نزمبوونەوە کردووە و وەک پێشبینی دەکرا بۆ سبەی و تا سەرەتای ھەفتەی ئایندە بە جێگیری بمێنێتەوە.

ڕاشیگه‌یاند: سبه‌ی سێشه‌م ئاسمانی ھەرێمی کوردستان ساماڵ دەبێت، هه‌روه‌ها بای باکوری رۆژھەڵات بە چالاکی دەمێنێتەوە لەسەر ناوچەکانی سنووری پارێزگای سلێمانی و ئیدارەی راپەرین و ناوچە شاخاوییە سنوورییەکانی رۆژھەڵاتی پارێزگای ھەولێر بە خێرایی 20 تا 50 کم زیاتر لە کاتژمێرێکدا.

هه‌روه‌ها ڕایگه‌یاند: بۆ دووسبه‌ی چوارشەم خێرایی با کەمتر دەبێتەوە، هه‌روه‌ها لە پێش نیوەرۆی رۆژی پێنجشەم 17ی ئاب پێشبینی کۆتاھاتنی دەکەین.

شاره‌زاكه‌ی كه‌شناسی پلەی گەرمای پێشبینیکراوی سبەی سێشه‌می به‌مشێوه‌ی خواره‌وه‌ دیاری كرد:-

ھەولێر: 45 پلە

سلێمانی: 41 پلە

دھۆک: 44 پلە

ھەڵەبجە: 43 پلە

کەرکووک: 46 پلە

گەرمیان: 48 پلە

راپەرین: 42 پلە

سۆران: 41 پلە