ئه‌مشه‌و له رۆژئاوای کەرکووک داعش بە چەکی قەناس ھێرشی كرده سەر سوپای عێراق سەربازێك کوژراو و سێ کەسی دیکەش برینداربوون.
سەرچاوەیەکی ئەمنی لە دووبز بە کوردستان تێڤی راگەیاند: كاتژمێر 12 شه‌و داعش لە كێلگه‌ی نمرە ھەشت لە شارۆچکەی دووبز رۆژئاوای کەرکووک بە چەکی قەناس ھێرشی کردوتە سەر سوپای عێراق و شەر و پێکدادان روویداوه و به‌هۆی هێرشه‌كه‌ی داعش سەربازێكی سوپای عێراق کوژراوە و سێ کەسی دیکەش برینداربوونە.
ئاماژه‌ی به‌وه‌شكرد سوپای عێراق لە رێگەی ئامێری بێتەلەوە بانگه‌وازی كردووه و داوای ھێز دەکات و دەڵێن لە لایەن تیرۆرستانی داعشەوە گەمارۆ دراوەین.
کۆمێنت (0)
تا ئێستا هیچ کۆمێنتێک نەکراوە.