دانیشتوانی گوندی په‌لكانه رایانگه‌یاند: پارێزگاری سه‌پێندراوی كه‌ركووك له پشت ئه‌و هێزه‌یه كه دێنمه سه‌رمان داوای چۆڵكردنی گونده‌كه‌مان ده‌كه‌ن.
دانیشتوانی گوندی په‌لكانه سه‌رجه‌میان كوردن و تاپۆی ره‌شی زه‌وی كشتوكاڵی و خانوویان هه‌یه، به‌ڵام ماوه‌یه‌كه پارێزگاری سه‌پێندراوی كه‌ركووك و هێزه‌كانی حه‌شدی شه‌عبی ژماره‌یه‌كی زۆر عه‌ره‌بی هاورده‌یان له قه‌زاو ناحییه‌كانی ده‌ورووبه‌ری كه‌ركووك هێناوه‌ته گوندی په‌لكانه و داوا له كورده ڕه‌سه‌نه‌كانی ئه‌م ناوچه‌یه ده‌كه‌ن زێدی خۆیان جێ بێڵن.
دانیشتوانی كوردی گونده‌كانی ئه‌م ناوچه‌یه‌ش ده‌ڵێن: مه‌گه‌ر خوێنمان بڕژێنن و به‌سه‌ر جه‌نازه‌كانماندا تێپه‌ڕن، ده‌نا چۆڵ كردنی گوند مه‌حاڵه.
رۆسته‌م عه‌زیز دانیشتوانی گوندی په‌لكانه به كوردستان تیڤی رایگه‌یاند: خیانه‌تی 16ی ئۆكتۆبه‌ری وایكرد، عه‌ره‌بی هاورده بێنه سه‌رمان له سه‌ر زێدی خۆمان ده‌رمان بكه‌ن و زه‌ویه‌كانمان داگیربكه‌ن، ئه‌و كه‌سانه‌ی خیانه‌تیان كرد ئێستاش كه‌سیش نایه‌ت له‌سه‌رمان بكاته‌وه، به‌ڵام ئێمه به خوێنی خۆمان مافی خۆمان وه‌رده‌گرینه‌وه.
عه‌لی ئه‌حمه‌دی جوتیارێكی دیكه‌ی دانیشتوانی گوندی په‌له‌كانه به كوردستان تیڤی رایگه‌یاند: راكان سه‌عید جبووری پارێزگاری سه‌پێندراوی كه‌ركووك له پشت ئه‌و هێزه‌یه كه دێنمه سه‌رمان داوای چۆڵكردنی گونده‌كه‌مان ده‌كه‌ن، رۆژ نییه حه‌شدی شه‌عبی و سوپای عێراق داوای چۆڵكردنی زه‌وییه‌كانمان لێ نه‌كه‌ن و ئه‌و چه‌كدارانه ناهێڵن له‌سه‌ر زه‌ویه‌كانی خۆمان كار بكه‌ین.
گوتیشی لێره‌وه داوا له‌و كه‌سانه ده‌كه‌م كه كه‌ركووك و ئه‌و ناوچانه‌یان راده‌ستی ئه‌و میلیشیانه كرد بێن به چاوی خۆیان ئه‌و بارودۆخه ببینن، كه چۆن زوڵم له دانیشتوانه‌كه‌ی ده‌كرێت هه‌ر ئه‌و كاسانه‌ش له شاشه‌ی تیڤییه‌كان قسه‌ی گه‌وره ده‌كه‌ن.
داڕشتنه‌وه‌ی هه‌واڵ/ سامان زاهیر
کۆمێنت (0)
تا ئێستا هیچ کۆمێنتێک نەکراوە.