له‌ ڕووداوێكی هاتوچۆدا گه‌نجێكی ته‌مه‌ن 17 ساڵان گیانی له‌ده‌ستدا

به‌هۆی وه‌رگه‌ڕانی تانكه‌رێكی ئاوه‌وه‌

به‌ڕێوه‌به‌رایه‌تی پۆلیسی پارێزگای سلێمانی له‌ ڕاگه‌ێنراوێكدا مردنی گه‌نجێكی ته‌مه‌ن 17 ساڵانی به‌هۆی وه‌رگه‌ڕانی تانكه‌رێكی ئاوه‌وه‌ ڕاگه‌یاند.

له‌ ڕاگه‌ێنراوه‌كه‌ی پۆلیسدا هاتووه‌: ئێواره‌ی دوێنێ ، به‌هۆی وه‌رگه‌ڕانی ئۆتۆمبیلێكه‌وه‌ له‌سه‌ر ڕێگای سیته‌ك – سلێمانی گه‌نجێكی ته‌مه‌ن 17 ساڵ گیانی له‌ده‌ستدا .

ڕاشیگه‌یاندووه‌: گه‌نجه‌كه‌ ناوی ( چ ، ع ، ق ) له‌دایكبووی 2001 ه‌و تانكه‌ری ئاوی پێبووه‌و له‌سه‌ر ڕێگای سیته‌ك – سلێمانی تانكه‌ره‌كه‌ی وه‌رگه‌ڕاوه‌ ، دوای گه‌یشتنی هێزه‌كانی پۆلیس و تیمه‌ فریاگوزارییه‌كان به‌برینداری ڕه‌وانه‌ی نه‌خۆشخانه‌ كرا ، به‌ڵام به‌هۆی سه‌ختی برینه‌كه‌یه‌وه‌ گیانی له‌ده‌ستدا .

پۆلیس ڕاشیگه‌یاندووه‌: له‌ئێستاشدا له‌لایه‌ن بنكه‌ی پۆلیسی سیته‌ك ،ه‌وه‌ په‌ڕاوی لێكۆڵینه‌وه‌ بۆ ڕوداوه‌كه‌ كراوه‌ته‌وه‌ .