بەریتانیا داوا له‌ ھاووڵاتیانی ده‌کات گه‌شت بۆ تورکیا نه‌که‌ن

بەریتانیا ھۆشداریی دەداتە ھاووڵاتیانی وڵاتەکەی لەگەشتکردن بۆ تورکیا و داواشیان لێدەکات خۆیان لەناوچەکانی باشوری خۆرھەڵاتی ئەو وڵاتە بەدوور بگرن.

وەزارەتی دەرەوەی بەریتانیا ھاووڵاتیانی وڵاتەکەی ئاگادارکردۆتەوە لەمەترسی گەشتکردن بۆ تورکیا پێشی راگەیاندوون نزیک ناوچە سنورییەکانی تورکیا لەگەڵ سوریا نەبنەوە و داوشی لێکردوون خۆیان لەناوچەکانی شرناخ و ماردین و ئورفە بەردوور بگرن.

وەزارەتی دەرەوەی بەریتانیا دواشی لە ھاووڵاتیانی وڵاتەکەی کردووە لەکاتی گەشتکردن بۆ تورکیا ھاوکاری ھێزەکانی پۆلسی ئەو وڵاتە بکەن، بۆ دووەم جارە بەریتانیا ھۆشداریی دەداتە ھاووڵاتیانی وڵاتەکەی لەگەشتکردن بۆ تورکیا، پێشتر ئەمریکاش ھۆشداریی دابووە لەگەشتکردنی ھاووڵاتیانی وڵاتەکەی بۆ تورکیا.