بەڕێوەبەرایەتی پۆلیسی دارستان و ژینگە لە پارێزگای سلێمانی رایگەیاند، خاوەنی كارگەیەكیان دەستگیركردووە لەسەر فڕێدانی پاشماوەی كارگەكەی و پیسكردنی ژینگەی ناوچەكە.
خاوەنی كارگەكە بڕێكی زۆری پاشماوەی كارگەكەی لە سنووری عەربەت لە پارێزگای سلێمانی فڕێداوە كە ببووە هۆكاری پیسبوونی ژینگە و خاكی ناوچەكە.
دوای بەدواچوون لەلایەن مەفرەزەکانی بنکەی پۆلیسی دارستان و ژینگەی عەربەت و لیژنەی فەرمانگەی ژینگەی سلێمانی، توانرا کارگەی سەرپێچیکار بدۆزرێتەوە و لەسەر بڕیاری دادوەر خاوەنی کارگەکە دەستگیر کرا، هەروەها دەستیش گیرا بەسەر ئەو تراکتۆرەی کە پاشماوەکەی پێ گوازرابووەوە.
بەڕێوەبەرایەتی پۆلیسی دارستان و ژینگەی سلێمانی جەختیشی كردەوە كە رێكاری یاسایی بەرامبەر خاوەن كارگەكە دەگیرێتە بەر و سزا دەدرێت.
کۆمێنت (0)
تا ئێستا هیچ کۆمێنتێک نەکراوە.