زانا ناسراوە هۆڵەندییەكە كە پێشبینی بۆ روودانی بوومەلەرزەكان دەكات، هۆشدارییەكی دیكەی بڵاو كردۆتەوە و رایگەیاندووە كە لە ماوەی 48 كاتژمێری داهاتوودا بوومەلەرزەیەكی بەهێز روو دەدات.
فڕانك هۆگەربیتس دەڵێت: بەگوێرەی حیسابانی فەلەكی، پێشبینی دەكرێ لە 48 كاتژمێری داهاتوودا (ئەمڕۆ و سبەی) بوومەلەرزەیەكی بەهێز لە وڵاتی تایوان روو بدات.
راشیگەیاند: دیار نییە گوڕی بوومەلەرەكە چەند دەبێت، بەڵام پێشبینی دەكرێ بەهێز بێت و زیانێكی زۆریش بەدوای خۆیدا بهێنێت.
ئەمە لەكاتێكدایە كە لە سەرەتای ئەمساڵەوە چەندین بوومەلەرزەی بەهێز لە وڵاتی تایوان روویداوە و بەهێزترینیان سەرەتای ئاداری رابردوو بوو كە گوڕەكەی 7.4 پلەی رێختەر بوو، دوای ئەویش 11 بوومەلەرزەی تر بە گوڕی زیاتر لە 4 پلەی رێختەر روویداوە.
کۆمێنت (0)
تا ئێستا هیچ کۆمێنتێک نەکراوە.