به‌هۆی ڕووداوی شه‌مه‌نده‌فه‌ره‌وه‌ له‌توركیا 90 كه‌س بوونه‌ قوربانیی

به‌هۆی داڕمانی پردێك


شەمەندەفەرێکی نەفەر ھەڵگر لە نزیک گوندی ساریلاری سەر بە شارۆچکەی چۆرلوی سەر بە پارێزگای تەکیرداغ، بەشێکی واگۆنەکانی لە رێڕەوی خۆی دەرچوو، پاشانیش وەڕگەڕا.

به‌هۆی لادانی شه‌مه‌نده‌فه‌رێك له‌توركیا له‌سه‌ر ڕێره‌وی خۆی، نزیكه‌ی 90 سه‌رنشینی نێو شه‌مه‌نده‌فه‌ره‌كه‌ بوونه‌ قوربانیی.

وه‌زاره‌تی ته‌ندروستی توركیا بڵاویكرده‌وه‌، به‌هۆی ڕووداوی ده‌رچوونی شه‌مه‌نده‌فه‌رێك له‌سه‌ر ڕێره‌وی خۆی له‌باكووری خۆرئاوای توركیا‌و له‌نزیك سنوری یۆنان، 10 كه‌س گیانیان له‌ده‌ستدا‌و 80 كه‌سی دیكه‌ش برینداربوون.

له‌باره‌ی هۆكاری ڕووداوه‌كه‌وه‌ میدیای توركی ئه‌وه‌ی بڵاوكرده‌وه‌، به‌هۆی داڕمانی پردێكه‌وه‌ شه‌مه‌نده‌فه‌ره‌كه‌ له‌ڕیڕه‌وی خۆی لایداوه‌.