فروکێن تورکیا دەڤەرا نێروە و رێکان بوردومانکر

ژبەر ڤێ بوردومانێ ترسەکا مەزن ل دەڤ وان چێبویە


ئەڤر نیڤرو فروکێن جەنگی یێن وەلاتێ تورکیایێ چەندین گوندێن دەڤەرا نێروە و رێکان سەر ب ناحیا شێلادزێ ڤە بوردومانکرن ، وەکی ژێدەرەکێ وەێ دەڤەرێ دایە دیارکرن کو هەر ئێک ژ گوندێ بێزەلێ و بێستەپێ سەر ب دەڤەرا رێکان ڤە ب چری بوردومانکرینە و ل دەمێ بوردومانێ هەژمارەکا وەلاتیان ل وان گوندان هەبون کو ب مەرەما ئینانا بەرهەمێن سروشتی یێن دەڤەرێ بەرەڤ گوندێن خو چوبون .

ژبەر ڤێ بوردومانێ ترسەکا مەزن ل دەڤ وان چێبویە و روبەرەکێ زورێ ئەردێ دەڤەرێ هاتیە سوتن ، و لدیڤ زانیاریێن ب دەست کوردستان تی ڤی کەفتین تا ئامادەکرنا ڤی هەوالی چ زیانێن گیانی ژ ڤێ بوردمانێ پەیدانەبوینە و و ئەو وەلاتی ب سلامەتن ،و هەژمارەکا کەس و کارێن وان وەلاتیان ژی ل ناحیا شێلادزێ ب هەوارا وان چوینە داکو ب هەوالێ سلامەتیا وان ئاگەهداربن و بگەهینە جهێن ئارام .

تێ زانین ژبەر ئالوزیێن دناڤبەرا پەکەکێ و وەلاتێ تورکیا هێشتا گوندێن دەڤەرا نێروە و رێکان د چول و نە ئاڤاکرینە ، لێ وەلاتیێن وان گوندان  جار جار بەرەڤ گوندێن خو دچن ب مەرەما ئینانا بەرهەمێن گیای و دار و بارێن دەڤەرێ .