كۆنگرێسی ئه‌مه‌ریكا پرۆژە یاسایەکی دژی تورکیا پەسەندکرد

فرۆشتنی فرۆکەی جەنگی جۆری F-35 بە تورکیا ڕادەگرێت


ئەنجومەنی پیرانی ویلایەتە یەکگرتووەکانی ئەمریکا ئەمڕۆ پرۆژەیاسایەکی سەرەکی تێپەڕاند کە فرۆشتنی فرۆکەی جەنگی جۆری F-35  بە تورکیا ڕادەگرێت.

کۆنگرێسی ئەمەریکا بەزۆرینەی دەنگ پرۆژە یاسای دەسەڵاتی بەرگری نیشتمانی پەسەند کرد و تورکیاش وەک ئەوەی پێشبینی کرابوو، لە لیستی ئەو وڵاتانە هێنرایه‌ ده‌ره‌وه‌ کە دەتوانن فڕۆکەی ئێف-35 بکڕن، بەگوێرەی یاساکەش تورکیا مافی ئەوەی نییە ئەو فڕۆکە پێشکەووتوە بکڕێت.

بەپێی ھەواڵێکی ڕادیۆی ئازادی ئەوروپا، ئەنجومەنەکە دوێنێ شەو بەکۆی 85 دەنگی بەڵێ و 10 دەنگی دژ پرۆژەیاساکەی پەسەندکردووە. پرۆژە یاساکە فرۆشتنی فرۆکەی جۆری F-35 ی ئەمریکی بە تورکیا مەرجدارکردووە بە ڕاگرتنی کڕینی سیستمی مووشەکی ئێس 400 لەڕووسیا.