ئەنجوومەنی وەزیرانی هەرێم جەژنی رەمەزان له‌ موسڵمانان پیرۆز دەکات

هیوادارین ئەم جەژنە ببێتە مایەی خێر و خۆشی بۆ هەمووان

ئەنجوومەنی وەزیرانی هەرێمی کوردستان بەبۆنەی هاتنی جەژنی رەمەزان، پیرۆزبایی ئاراستەی موسڵمانانی کوردستان، عێراق و جیهان دەکات.

بەبۆنەی هاتنی جەژنی ڕەمەزانی پیرۆزەوە، گەرمترین پیرۆزبایی لە سەرجەم موسوڵمانانی کوردستان و عێراق و جیهان دەکەین، پیرۆزبایی تایبەتمان بۆ خانەوادەی سەربەزی شەهیدان و پێشمەرگە قارەمانەکانمان.

هیوادارین ئەم جەژنە ببێتە مایەی خێر و خۆشی بۆ هەمووان و هاندەری هەموو لایەک بێت بۆ هەوڵ و کاری جدی بە ئامانجی تەبایی و یەکڕیزی، لە پێناو بەدیهێنانی سەقامگیری و ئاشتی و خۆشگوزەرانی بۆ گەلەکەمان.

ئەنجومەنی وەزیرانی کوردستان
14/6/2018