١٥ چه‌كدار ده‌ستگیركران كه‌ به‌نیازبوون بچنه‌ نێو پارێزگایه‌كی عێراق

له‌ سووریا و له‌ رێگه‌ی به‌غداوه‌ ھه‌وڵیاندابوو

١٥ چه‌كداری كه‌ ھه‌وڵیاندابوو سێ ئۆتۆمبێلی ھه‌ڵگری چه‌ك و ته‌قه‌مه‌نی ببنه‌ ناو پارێزگای زیقاره‌وه‌ له‌ لایه‌ن ھێزه‌ ئه‌منییه‌كانه‌وه‌ ده‌ستگیركران.

نه‌قیب محه‌مه‌د نایف ئه‌فسه‌ر له‌ فه‌رمانده‌یی ئۆپه‌راسیۆنه‌كانی رافیدێن، بۆ ئاژانسی ئانادۆڵو گوتی: به‌ پێی زانیارییه‌ ھه‌واڵگرییه‌كان، ١٥ چه‌كدار له‌ سووریا و له‌ رێگه‌ی به‌غداوه‌ ھه‌وڵیاندابوو سێ ئۆتۆمبێلی ھه‌ڵگری چه‌ك و ته‌قه‌مه‌نی ببنه‌ ناو پارێزگای زیقاره‌وه‌.

محه‌مه‌د نایف راشیگه‌یاند كه‌ ھه‌ر پشت به‌ستن به‌ زانیارییه‌كان، ھێزێكی ھاوبه‌شی دژه‌ تیرۆر و ھه‌واڵگری له‌سه‌ر رێگه‌ی نێوده‌وڵه‌تی ده‌روازه‌ی پارێزگای زیقار بۆسه‌یان بۆ چه‌كدارانه‌ دانا و توانیان ١٥ چه‌كداره‌كه‌ ده‌ستگیر بكه‌ن.

نه‌قیب محه‌مه‌د نایف باسی له‌وه‌شكرد كه‌ ھێزه‌ عێراقییه‌كان، ده‌ستیان به‌سه‌ر ئه‌و چه‌ك و ته‌قه‌منیانه‌شدا گرتووه‌ كه‌ چه‌كداره‌كه‌یان ھه‌وڵیاندابوو بیانبه‌نه‌ ناو پارێزگای زیقاره‌وه‌.

ناوبراو ئه‌وه‌شی خسته‌ڕوو كه‌ ھێزه‌ ئه‌منییه‌كان به‌ مه‌به‌ستی لێكۆڵینه‌وه‌، ١٥ چه‌كداره‌كه‌یان ره‌وانه‌ی بنكه‌یه‌كی ئه‌منی كردووه‌