‌هێمن هه‌ورامی‌: هه‌موو رێگاكان دێنه‌وه‌ لای سه‌رۆك بارزانی و پارتی

بریارە چەند شاندێکیش سەردانی سەری بڵند بکەن


ئه‌ندامێكی سه‌ركردایه‌تیی پارتی دیموكراتی‌ كوردستان رایگه‌یاند كه‌ "هه‌موو رێگاكان دێنه‌وه‌ لای سه‌رۆك بارزانی و پارتی.

هێمن هه‌ورامی‌ ئه‌ندامی سه‌ركردایه‌تیی پارتی دیموكراتی‌ كوردستان له‌ په‌یجی‌ تایبه‌تی‌ خۆی‌ له‌ تۆڕی‌ كۆمه‌ڵایه‌تی‌ فه‌یسبووك نووسیویه‌تی‌: "نێرده‌ی تایبه‌تی سه‌رۆكی ئه‌مریكا سه‌ردانی سه‌رۆك بارزانی كرد.

نیردەی تایبەتی سەرۆکی ئەمریکا سەردانی سەرۆک بارزانی کرد و هەریەک لە عەبادی و عامری و حەکیم و د.فواد مەعسوم بە تەلەفۆن پەیوەندیان بە سەرۆک بارزانییەوە کرد.

بریارە چەند شاندێکیش سەردانی سەری بڵند بکەن. بابەتی هەرەگرنگ تەئکیدکردنەوەی هەموو لایەکە لەسەر میحوەربوونی پێگەی سەرۆک بارزانی و پارتی لە رابەرایەتیکردنی دۆزی رەوای گەلی کوردستان لە دارشتنەوەی هاوکێشەکاندا.

شایه‌نی باسه‌ به‌گوێره‌ی‌ ئه‌نجامی‌ به‌رایی هه‌ڵبژاردنی‌ ئه‌نجومه‌نی‌ نوێنه‌رانی‌ عیراق پارتی‌ دیموكراتی‌ كوردستان له‌سه‌ر ئاستی‌ هه‌رێمی‌ كوردستان پله‌ی‌ یه‌كه‌می‌ به‌ده‌ستهێناوه‌.