بەڕیتانیا پابەندە بە ڕێككەوتنە ئەتۆمییەكەی لەگەڵ ئێران

بەریتانیا و ئێران ڕێككەوتن لەسەر گرنگی بەردەوام بوونی گفتوگۆكانی نێوان دوو وڵاتەكە

تێریزا مەی، سەرۆك وەزیری بەڕیتانیا  بە حەسەن ڕۆحانی، سەرۆك كۆماری ئێرانی ڕاگەیاندووە،كە وڵاتەكەی و هاوبەشە ئەوروپییەكانی هێشتا پابەندن بە پشتیوانیكردن لە ڕێككەوتنە ئەتۆمییەكەوە.

لە پەیوەندییەكی تەلەفونیدا تێریزا مەی، سەرۆك وەزیری بەڕیتانیا بە حەسەن ڕۆحانی گوتووە،دەبێت ئێران بەردەوام بێت لە جێبەجێكردنی بەرپرسیارێتییەكانی لە ڕێككەوتنە ئەتۆمییەكەی .

هەردوو ڕێبەرەكەی بەریتانیا و ئێران ڕێككەوتن لەسەر گرنگی بەردەوام بوونی گفتوگۆكانی نێوان دوو وڵاتەكە و چاوەڕێی كۆبوونەوەكەی سبەی وەزیرانی دەرەوەی بەڕیتانیا و ئەڵمانیا و فەڕەنسا و ئێران لە بڕۆكسل دەكەن .

 

سوهێل تاهیر : كوردستان تیڤی