كەشتییەكی جەنگی ئەمەریكا بەرەو دەریای ناوەڕاست جوڵه‌ی پێی ده‌كرێت

ئەگەر ئەمەریكا بڕیاری لێ بدات بۆ سەر ڕژێمی ئەسەد


ڕۆژنامەی وۆل ستریت جۆرنالی ئەمەریكی بڵاوی كردەوە، كە دووەم كەشتی سەربازی وێرانكەری ویلایەتە یەكگرتووەكانی ئەمەریكا چووەتە ئاوەكانی دەریای ناوەڕاست و دەتوانێ بەشداری لە هەر هێرش بكات، ئەگەر ئەمەریكا بڕیاری لێ بدات بۆ سەر ڕژێمی ئەسەد.

رۆژنامەی (وۆڵ ستریت جۆرناڵ) لە زاری چەند بەرپرسێکی وەزارەتی بەرگریی ئەمریکاوە رایگەیاندووە: لە چەند رۆژی داھاتوودا کەشتییەکی تری جەنگیی ئەمریکا لە جۆری "USS Donald Cook" دەگاتە رۆژھەڵاتی دەریای ناوەڕاست.

رۆژنامەی "واشنتۆن ئیکزامینەر"یش ھەر لە زاری بەرپرسانی سەربازیی ئەمریکا ئەو ھەواڵەی پشتڕاستکردووەتەوە و رایگەیاندووە: رۆژی دووشەممە کەشتیی "USS Donald Cook" لە بەندەری قوبرسەوە کەوتووەتە ڕێ و لەم ڕۆژانەدا دەگاتە رۆژھەڵاتی دەریای ناوەڕاست.

کەشتیی "USS Donald Cook" کەشتییەکی پێشکەوتووی سوپای دەریایی وڵاتی ئەمریکایە، کە توانای ھەڵگرتنی ٦٠ مووشەکی تۆماھۆکی ھەیە و دەتوانێت ھاوبەشی و ھاوکاریی لە ھەر ھێرشێکدا بکات کە لە کایەی وشکانییەوە بکرێت.