ئەردۆغان و  پوتین و روحانی لەبارەی سووریا کۆده‌بنه‌وه‌

حەوتەمین کۆبوونەوەی ئەنجوومەنی باڵای هه‌ماهەنگی تورکیاو رووسیا سازده‌كرێت

سەرۆکایەتیی کۆماری تورکیا رایگەیاند، بریاره‌ حەوتەمین کۆبوونەوەی ئەنجوومەنی باڵای هه‌ماهەنگی تورکیاو رووسیا بە سەرۆکایەتی رەجەب تەیب ئەردۆغان، سەرۆك کۆماری تورکیا و ڤیلادیمیر پووتین، سەرۆکی رووسیا رۆژی سێشەممە 3-4-2018 لە ئەنقەرە بەڕێوەبچێت. 

پووتین و ئەردۆغان لەبارەی پرسى ناوچەکە لە ئەنقەرە کۆدەبنەوەو رۆژی دواتریش حەسەن رووحانی، سەرۆک کۆماری ئێران دەچێتە توکیاو لووتکەی سێقۆڵی لەبارەی سووریا بەڕێوەدەچێت.

هه‌روه‌ها لە ئەنقەرە، رۆژی چوارشەممە 4-4-2018 کۆبوونەوەی سێقۆڵی بە ئامادەبوونی ئەردۆغان و  پووتین و روحانی لەبارەی قەیران و ئاڵۆزییەکانی دۆخی سووریا بەڕێوەدەچێت.