قه‌ڵای سه‌نگی سیاو له‌ گوندی نارنجڵه‌ی سه‌ر به‌ شاره‌دێی بیاره‌ ته‌قێنرایه‌وه‌

ته‌قینه‌وه‌كه‌ ده‌نگێكی زۆر به‌هێزی هه‌بووه‌

كاتژمێر 11 ی شه‌وی رابردوو قه‌ڵای سه‌نگی سیاو له‌ گوندی نازڵجه‌ی سه‌ر به‌ شاره‌دێی بیاره‌  له‌ لایه‌ن هێزێكی چه‌كداری نه‌ناسراوه‌وه‌ ته‌قێنرایه‌وه‌.

به‌ گوته‌ی دانیشتوانی گونده‌كه‌ 3 رۆژه‌ له‌ سه‌ر یه‌ك چه‌ند كه‌سێكی نه‌ناسراو سه‌ردانی ئه‌و قه‌ڵایه‌ ده‌كه‌ن، پاشانیش شه‌وی رابردوو له‌ لایه‌ن ئه‌و كه‌سه‌ نه‌ناسراوانه‌وه‌ قه‌ڵاكه‌ ته‌قێندرایه‌وه‌.

ده‌شڵێن: ته‌قینه‌وه‌كه‌ ده‌نگێكی زۆر به‌هێزی هه‌بووه‌و گونده‌كانی ده‌ورو به‌ری ناحیه‌ی بیاره‌ به‌ ته‌واوی هه‌ستیان به‌ ته‌قینه‌وه‌كه‌ كردووه‌.

هه‌روه‌ها ده‌شڵێن: ئه‌و هێزه‌ی بۆ قه‌ڵاكه‌ هاتبوون چه‌ندین ئۆتۆمبیل و چه‌كی قورسیان پێبووه‌و 3 جاریش ته‌قینه‌وه‌یان ئه‌نجام داوه‌.

بۆ ئه‌م مه‌به‌سته‌ كوردستان تیڤی په‌یوه‌ندی كرد به‌ "حه‌مید بارام" به‌رێوه‌به‌ری شاره‌دێی بیاره‌  ئه‌ویش پشتراستی هه‌واڵه‌كه‌ی كردۆته‌وه‌، به‌ڵام ئاماده‌ نه‌بووه‌ هیچ لێدوانێك بدات.