228 هه‌زار ئۆتۆمبێلی کرایسلەر (ئۆباما) له‌ بازاره‌كان ده‌گه‌ڕێندرێنه‌وه‌

به‌هۆی بوونی كێشه‌یه‌كی سه‌ره‌كی

كۆمپانیای فیات کرایسلەر دووسه‌د و بیست و هه‌شت هه‌زار ئۆتۆمۆبێل له‌ جیهان ده‌كشێنێته‌وه.

بەپێی بەیاننامەیەکی کۆمپانیای فیات کرایسلەری ئەمریکی كۆمپانیاكه‌ بریاریداوه‌ دووسه‌د و بیست و هه‌شت هه‌زار ئۆتۆمۆبیل لە بازاڕەکانی جیهان بكێشێته‌وه،‌ ئه‌مه‌ش به‌هۆی بوونی كێشه‌ له‌ وه‌ستێنر‌یاندا.

كۆمپانیاكه‌ روونی ده‌كاته‌وه‌ ئەو ئۆتۆمبێلانه‌ تازە بەرهەمهاتوون و لەجۆری پێک ئەپن و هەڵەیەک لە سیستەمی راوەستانیان هەیە، چونکە کاتێک ئۆتۆمبێلەکە گەرم دەبێ لە شوێنی خۆی جووڵە دەکات و ستۆپەکەی شل دەبێت بەبێ ئەوەی کەسیش لەناو ئۆتۆمبێلەکە بێت.

کۆمپانیا ئه‌مه‌ریكییه‌كه‌ هەروەها رایگەیاندووە، گەر برێکی دەستی رانەکێشرێت، ئەوا ئەگەری هەیە ئەو ئۆتۆمببێلە بەبێ شۆفێر لە شوێنی خۆیان جووڵە بکه‌ن و کارەساتی لێ بکەوێتەوە، بۆیە بڕیاریانداوە ئه‌و ئۆتۆمبێلانه‌ لە بازاڕەکان بکێشنەوە تا چاره‌سه‌ریان بكه‌ن و جارێكی دیكه‌ بیانخه‌نه‌وه‌ بازاڕه‌كانی جیهان.