تیلەرسۆن: پێویستە ئێران چەکدارە میلیشیاکانی لە سووریا بکێشێنێتەوە

تیلەرسۆن: چارەسەری دۆخی سووریا بەپێی بڕیاری 2254ی جنێف دەبێت

ریکس تیلەرسۆن، وەزیری دەرەوەی ئەمریکا، ڕایگەیاند" پێویستە ئێران چەکدارە میلیشیاکانی لە سووریا بکێشێنێتەوە و چارەسەری دۆخی سووریاش بەپێی بڕیاری 2254ی جنێف دەبێت.

بڕیاری (2254)ی جنێف لە ئەنجومەنی ئاسایشی نێودەوڵەتی لە 18ی کانوونی یەکەمی 2015 دەنگی لەسەر درا، بۆ ئەوەی دۆخی ئێستا سووریا لە رێگای ئاشتییەوە چارەسەر بکرێت، گەلی سووریا خۆیان بڕیار لە چارەنووسی وڵاتەکەیان بدەن، ھەروەھا کار بۆ پێکھێنانی حکوومەتێکی کاتی بکەن و پاشان ھەڵبژاردن ئەنجام بدەن.

تیلەرسون، ئاماژەی بۆ ئەوە کرد" ئەمریکا پاڵپشتی لە لوبنانێکی ئازاد و دیموکراتی دەکات، دوور لە دەستێوەردانی دەرەکی و دەسەڵاتدارانی لوبنان ھەنگاوەکانیان بۆ نەھێشتنی دروستکردنی ململانێ لەلایەن حزبولڵاوە ئەرێنییە".