ئه‌رسناڵ و تۆتنهام رووبه‌رووی یه‌كتر ده‌بنه‌وه‌

ئه‌رسناڵ له‌خانه‌ی شه‌شه‌می ریزبه‌ندێ دێت


 
له‌چوارچێوه‌ی ركابه‌ریه‌كانی خولی ئینگلته‌را رۆژی شه‌ممه‌ یاری دێربی له‌نده‌ن له‌نێوان هه‌ردوو یانه‌ی ئه‌رسناڵ و تۆتنهام به‌رێوه‌ده‌چێت.

 ئه‌رسناڵ له‌كاتێك ئه‌و یاریه‌ ئه‌نجام ده‌دات له‌خانه‌ی شه‌شه‌می ریزبه‌ندێ دێت و به‌جیاوازی چوار خاڵ له‌گه‌ڵ تۆتنهام و به‌جیاوازی پێنج خاڵیش له‌گه‌ل دواین خانه‌ی یانه‌كانی خولی ئینگلته‌را بۆ گه‌یشتن به‌ چامپیۆنز لیگ.

لای خۆیه‌وه‌ ئارسین ڤینگه‌ر له‌كۆنگره‌یه‌كی رۆژنامه‌وانیدا رایگه‌یاند به‌هه‌مان پێكاته‌ی یاری هه‌فته‌ی رابردوو یاری ئه‌نجام ده‌ده‌ین كاتێ رووبه‌رووی ئیڤرتۆن بوینه‌وه‌ ته‌نیا دانی ویبلیك گه‌راوه‌ته‌وه‌ ریزی پێكهاته‌كه‌مان و به‌شداربوونی پیته‌ر چیكیش ئه‌سته‌مه‌، چونكه‌ تا ئێستا له‌پێكانه‌كه‌ی دڵنیانه‌بوینه‌وه‌.

سه‌باره‌ت به‌گرنگی یاریه‌كه‌ ئه‌و ڕاهێنه‌ره‌ دووپاتیكرده‌وه‌ یاریه‌كه‌مان له‌به‌رامبه‌ر یه‌كێك له‌گه‌وره‌ یانه‌كانه‌، بۆیه‌ هیچ جیوازی له‌نێ،ان خۆمان و ئه‌وان نابینم.

 له‌وه‌ڵامی پرسیاری هێرشبه‌رێك هه‌یه‌ له‌هاری كین باشتر بێت له‌ئه‌وروپا ئه‌رسین ڤینگه‌ر وتی ئه‌گه‌ر سه‌یری ژماره‌كان بكه‌ین ئه‌وا باشترین نابینین له‌و یاریزانه‌، به‌ڵام بۆچوونی من ئه‌وه‌یه‌ سنورێك بۆ مه‌ترسیه‌كانی ئه‌و هێرشبه‌ره‌ دانێن و ئه‌وه‌ش ناشاردرێته‌وه‌ كه‌ یه‌كێكه‌ له‌باشترین هێرشه‌به‌ره‌كانی ئه‌وروپا.