Erbil 15°C سێشەممە 19 ئازار 11:53

سه‌رۆکی حکومه‌تی هه‌رێمی کوردستان گه‌یشته‌ داڤۆس

سبه‌ی چوارشه‌ممه‌ و ڕۆژانی دواتر چالاكییه‌كانی كۆڕبه‌نده‌كه‌دا به‌شداری ده‌كات
کوردستان TV
100%

نێچیرڤان بارزانی، سه‌رۆك وه‌زیرانی هه‌رێمی كوردستان بۆ به‌شداریكردن له‌ كۆڕبه‌ندی ئابووریی جیهان، به‌ سه‌رۆكایه‌تیی شاندێك گه‌یشته‌ داڤۆس له‌ سویسرا كه‌ له‌ قوباد تاڵه‌بانی جێگری سه‌رۆك وه‌زیران و ژماره‌یه‌ك له‌ به‌رپرسانی دیكه‌ی هه‌رێمی كوردستان پێكهاتووه‌.

ئێواره‌ی ئه‌مڕۆ سێشه‌مه‌ 23/1/2018 نێچیرڤان بارزانی، له‌گه‌ڵ سه‌رۆك، سه‌رۆك وه‌زیران، پاشا، سه‌ركرده‌كانی جیهان و میوانانی باڵای كۆڕبه‌ندی ئابووریی جیهان له‌ داڤۆس، به‌شداری له‌ ڕێوڕه‌سمی پێشوازی و خوانێكی ئێواره‌ ده‌كات كه‌ له‌لایه‌ن كڵاوس شواب دامه‌زرێنه‌ری كۆڕبه‌ندی ئابووریی جیهان و خاتوو هیلدێ شوابی هاوسه‌رییه‌وه‌ ڕێكخراوه‌.

سبه‌ی چوارشه‌ممه‌ و ڕۆژانی دواتر نێچیرڤان بارزانی له‌ چالاكییه‌كانی كۆڕبه‌نده‌كه‌دا به‌شداری ده‌كات و له‌ په‌راوێزی كۆڕبه‌نده‌كه‌دا له‌گه‌ڵ ژماره‌یه‌ك له‌ سه‌ركرده‌كانی جیهان دیدار و كۆبوونه‌وه‌ی ده‌بێت.

کوردستان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.