شەپۆلێكی بەفر ‌و باران هه‌رێمی کوردستان دەگرێتەوە

پلەکانی گەرما نزمده‌بێته‌وه‌


کەشناسی ھەرێم ڕایدەگەیەنێت شەپۆلێکی بەفر و باران ناوچەکانی ھەرێمی کوردستان دەگرێتەوە ،ھەتا ھەفتەی داھاتوو بەردەوام دەبێت.

کۆتایی ئەم هەفتەیە شەپۆلێكی بەفر ‌و باران روو لە هه‌رێمی كوردستان دەكات، پێشبینی دەكرێت رۆژی پێنجشەممە لە ناوچە شاخاوییەکان بەفر ببارێ و، رۆژی هەینیش بگاتە سەنتەری شارەكانی سلێمانی ‌و دهۆك.

فازڵ ئیبراهیم، بەڕێوەبەری گشتیی كەشناسی ‌و بوومەلەرزەزانی هەرێمی كوردستان راگەیاند، لە رۆژی پێنجشەممە 18-1- 2018ەوە شەپۆلێكی بەفر‌ و باران ڕوو لە هه‌رێمی كوردستان دەكات، رۆژی پێنجشەممە لەنێو شارەكاندا بارانی پچڕپچڕ دەبارێ‌، لە ناوچە شاخاوییەكانیش بەفر‌، پێشبینیش دەكرێت رۆژی هەینی بەفربارین بگاتە سەنتەری شارەكانی سلێمانی ‌و دهۆك.

ئاماژه‌ی به‌وه‌شداوه‌ بۆ رۆژی شەممە دۆخی كەشوهەوا ئاسایی دەبێتەوە.

ڕونیشیکردەوە پلەکانی گەرما بە چەند پلەیەک نزدەمبێتەوە و لە ناوچە شاخاوییەکان بۆ سفر پلەی سەدی دادەبەزێت.