به‌هۆی بوومه‌له‌رزه‌وه‌ قوتابخانه‌كانی هه‌ڵه‌بجه‌ چۆڵكران

گوڕی بوومه‌له‌رزه‌كه‌ ٤.٧ بووه‌

بوومه‌له‌ره‌زه‌یه‌ك هه‌ڵه‌بجه‌ و ده‌وروبه‌ری گرته‌وه‌ و به‌هۆیه‌وه‌ ترس و دڵه‌ڕاوكێی لای خه‌ڵكی دروستكرد و زۆرێكیش له‌قوتابخانه‌كانی شاره‌كه‌ قوتابیانیان نارده‌وه‌ ماڵه‌وه‌.

كاتژمێر ٨:٥٣ خوله‌كی سه‌رله‌به‌یانی ئه‌مرۆ چوارشه‌ممه‌ بوومه‌له‌رزه‌یه‌ك هه‌ڵه‌بجه‌ و ده‌وروبه‌ری گرته‌وه‌ و له‌زۆربه‌ی ناوچه‌كانه‌وه‌ هه‌ستی پێكرا.

به‌گوێره‌ی زانیارییه‌كانی نووسینگه‌ی كه‌شناسی هه‌ڵه‌بجه‌، گوڕی بوومه‌له‌رزه‌كه‌ ٤.٧ و ناوه‌نده‌كه‌ی ٣١ كیلۆمه‌تر له‌ باكوری رۆژئاوای هه‌ڵه‌بجه‌ بووه‌.

له‌دوای بوومه‌له‌رزه‌كه‌ی ئه‌مڕۆ، زۆربه‌ی قوتابخانه‌كانی هه‌ڵه‌بجه‌ زه‌نگی ناردنه‌وه‌ی قوتابیانیان لێدا و قوتابخانه‌كان چۆڵكرا.

ئاماده‌كردنی: رزگار