سبەی ئەنجوومەنی وەزیرانی ھەرێمی کوردستان کۆده‌بێتەوە 

گفتوگۆ دەربارەی سێ تەوەر ده‌كات

بڕیارە سبەی ئەنجوومەنی وەزیرانی ھەرێمی کوردستان کۆبێتەوە و تێیدا گفتوگۆ دەربارەی سێ تەوەر بکات.

لەم بارەیەوە، سەرۆکی فەرمانگەی ھەماھەنگی و بەدواداچوونی ئەنجومەنی وەزیران بە ماڵپەڕی فەرمیی پارتی دیموکراتی کوردستانی ڕاگەیاند: ''بڕیارە سبەی ئەنجوومەنی وەزیرانی ھەرێمی کوردستان کۆبوونەوەی ئاساییی خۆی ئەنجام بدات و تێیدا گفتوگۆ لەبارەی سێ تەوەریش دەکرێت.''

لەبارەی تەوەرەکان ، د. نووری عوسمان گوتی'' بڕگەی یەکەم تۆمارکردنی کۆمپانیاکان و بڕگەی دووەمیش ڕێنمایی لەبارەی ئەو وەزارەتانەی داھاتیان ھەیە و بڕگەی سێیەم دانانی ڕەسمی بەکاربردنی ناوخۆیی لەسەر بابەتەکانی جگەرە و تووتن، کە لە لایەن وەزارەتی تەندروستییەوە پێشکەش کراوە.