فڕۆكه‌ جه‌نگیه‌كانی توركیا گوندی سۆره‌كی سه‌ر به‌ده‌شتی به‌رزگر بۆردومان كرد

هاووڵاتیه‌ك به‌ ناوی (ئینداد عوسمان) شه‌هیدبوو


فڕۆكه‌ جه‌نگیه‌كانی توركیا بۆردومانی گوندی سۆره‌كی سه‌ر به‌ده‌شتی به‌رزگر سه‌ر به‌ ده‌ڤه‌ری سیده‌كان ده‌كات، له‌ ئه‌نجامی بۆردومانه‌كه‌ هاووڵاتیه‌ك له‌ ناو ئۆتۆمبێله‌كه‌ی ده‌كاته‌ ئامانج شه‌هید ده‌بێت و ئۆتۆملێله‌كه‌ش ده‌سوتێت.

په‌یامنێری ده‌زگای سه‌ته‌لایه‌تی كوردستان رایگه‌یاند: له‌ ئه‌نجامی بۆردومانی فرۆكه‌ جه‌نگیه‌كانی توركیا بۆ سه‌ر گوندی سۆره‌كی سه‌ر به‌ده‌شتی به‌رزگر سه‌ر به‌ ده‌ڤه‌ری سیده‌كان، ئۆتۆمبێلی هاووڵاتیه‌كی دانیشتووی كۆمه‌ڵگای به‌رمیزه‌یان كرایه‌ ئامانج و شوفێره‌كه‌ به‌ ناوی (ئینداد عوسمان) شه‌هیدبوو ئۆتۆمبێله‌كه‌شی سووتێنرا.

سه‌باره‌ت به‌ بۆردمانكردنی فرۆكه‌ جه‌نگیه‌كانی توركیا، ئیحسان عەبدولقادر، بەڕێوەبەری شارۆچکەی سیدەکان راگەیاند فڕۆکەکەنی تورکیا بۆردوومانی دەڤەری برادۆست و چەند ناوچەیەکی دیکە دەکەن و بەهۆی بۆردوومانەکەش چەند گەریلایەک گیانیان لەدەستداوە.