ئازا حه‌سیب قه‌ره‌داغی كتێبێكی شیعری بڵاوكرده‌وه‌

ئارا... به‌سته‌ی ژیان و مه‌رگ

له‌ كۆڕێكی ئه‌ده‌بی و ڕۆشنبیری له‌ یه‌كێتی نووسرانی كورد لقی هه‌ولێر  كتێبی شیعری "ئارا... به‌سته‌ی ژیان و مه‌رگ" ئازا حه‌سیب قه‌ره‌داغی  بڵاوكرایه‌وه‌.

به‌ ئاماده‌بوونی چه‌ندان نووسه‌ر و شاعیر و مامۆستای زانكۆ، كتێبی "ئارا... به‌سته‌ی ژیان و مه‌رگ" به‌سه‌ر ئاماده‌بوواندا دابه‌ش كرا.

شایانی باسه‌ ئازا حه‌سیب قه‌ره‌داغی ئه‌م كتێبه‌ بۆ ئازیزترین كه‌سی، بۆ ڕۆحی ئارای كوڕی نووسیوه‌.

هه‌ر له‌ كۆڕه‌كه‌دا نووسه‌ر و ڕۆشنبیر "ئازا حه‌سیب قه‌ره‌داغی" قسه‌ی له‌سه‌ر كۆتا كتێبی خۆی به‌ ناونیشانی "ئارا... به‌سته‌ی ژیان و مه‌رگ" كرد ،چه‌ندان ده‌قی شیعری خوێنده‌وه‌.

كوردستان تیڤی/ كامه‌ران حاجی