پرۆژه‌ هاوبه‌شه‌كه‌ى دەزگای خێرخوازیی بارزانی و رێکخراوی gizی ئەڵمانی له‌ دهۆك كه‌وته‌ بوارى جێبه‌جێكردنه‌وه‌

 118 کەس ھەلی کاریان دەستکەوت

دەزگای خێرخوازیی بارزانی و رێکخراوی gizی ئەڵمانی پرۆژەی کاش بەرانبەر کار لە پارێزگای دھۆک بەڕێوە دەبن کە بوجەی پرۆژەکە بەبڕی ٢٥٠ ملیۆن دیناری عێراقییە و ھەلی کار بۆ ١١٨ کەس دابین دەکات.

ئەمڕۆ دووشەممە ٦/١١/٢٠١٧، یەکەم رۆژی پڕۆژەیەکی دیکەی دەزگای خێرخوازیی بارزانی و رێکخراوی gizی ئەڵمانی چووە بواری جێبەجێکردنەوە، پڕۆژەکە کاش بەرانبەر کارە و تیایدا ١١٨ کەس ھەلی کاریان دەستکەوت، ئەم پرۆژەیە تایبەتە بە خاوێنکردنەوە و چاککردەنەوەی ئاو و ئاوەڕۆ لە سنووری پارێزگای دھۆک.

 

لە دەستپێکی کردنەوەی پرۆژەکەدا، بە ھاوکاریی لقی دھۆکی سەندیکای کرێکارانی کوردستان، سمینارێک لەسەر پاراستنی سەلامەتی لە کاتی کارکردندندا بۆ سوودمەندبووانی پڕۆژەکە پێشکەش کرا.