وه‌زاره‌تى ده‌ره‌وه‌ى ئه‌مریكا: ئه‌بومه‌هدى موهه‌ندیس كه‌سێكى تیرۆريسته‌

وه‌زاره‌تى ده‌ره‌وه‌ى ئه‌مریكا به‌ فه‌رمى به‌ تیرۆریستی ده‌ناسێنێت

وه‌زاره‌تى ده‌ره‌وه‌ى ئه‌مریكا به‌ فه‌رمى یه‌كێك له‌ سه‌ركرده‌ باڵاكانى میلیشیاكانى حه‌شدى شه‌عبى به‌ "تیرۆریست" ده‌ناسێنێت.

هیزه‌ر ناوێرت، گوته‌بێژى وه‌زاره‌تى ده‌ره‌وه‌ى ئه‌مریكا، له‌ كۆنگره‌یه‌كی ڕۆژنامه‌وانیدا، ڕایگه‌یاند: "ئه‌بو مه‌هدی موهه‌ندیس، سه‌ركرده‌ له‌ میلیشیاكانى حه‌شدى شه‌عبى، تیرۆریسته‌".

ئه‌بو مه‌هدی موهه‌ندیس، جێگرى سه‌رۆكى ده‌سته‌ى میلیشیاكانى حه‌شدى شه‌عبییه‌ و له‌ زۆرێك له‌ بۆنه‌كاندا به‌ ته‌نیشت قاسم سوله‌یمانى ، فه‌رمانده‌ى فه‌یله‌قى قودسى ئێران ده‌رده‌كه‌وێت، و له‌ لێدوانه‌كانیشدا گوتوویه‌تى:"شانازى ده‌كه‌م كه‌ قوتابی ئاغاى سوله‌یمانیم".