دوای ریفراندۆم ھەناردەکردنی نەوتی کوردستان بەردەوامە

رۆژانە 553 ھەزار بەرمیل نەوتی خاوی کوردستان هه‌نارده‌ ده‌كرێت

دوای ریفراندۆمی سه‌ربه‌خۆی كوردستان هه‌رنارده‌كردنی نه‌وتی كوردستان بۆ ده‌ره‌وه‌ له‌ رێی به‌نده‌ری جیهانی توركیه‌وه‌ به‌رده‌وامی هه‌یه‌.

بەپێی ھەواڵێکی ماڵپەڕی (وزە نیوز)، دوای ریفراندۆمی سەربەخۆیی کوردستان، رۆژانە 553 ھەزار بەرمیل نەوتی خاوی کوردستان لەڕێی بەندەری جیهانی تورکیا ھەناردەی دەرەوەی وڵات دەکرێت.

ماڵپەڕەکە ئاماژەی بەوەش داوە، کە لە ماوەی ئەو پێنج رۆژەی دوای ریفراندۆمی سەربەخۆیی کوردستان، نەوتی کوردستان بە کۆمپانیاکانی وڵاتێکی رۆژهەڵاتی ناوەڕاست، ئیتاڵیا و کرواتیا فرۆشراوە.

ھەروەھا سەرچاوەیەک لە کۆمپانیای (کار گرووپ)ی کوردستان بە ماڵپەڕەکەی راگەیاندووە، کە ھەناردەکردنی نەوتی کوردستان بەردەوامە و بەشێوەیەکی ئاسایی بەڕێوە دەچێت.

ده‌زگای سه‌ته‌لایتی كوردستان /  سامان زاهیر