كوردستان / په‌یامێك له‌ سه‌رۆكی هه‌رێمی كوردستان بۆ ڕای گشتی

برێز مه‌سعود بارزانی سه‌رۆكێ هه‌رێما كوردستانێ په‌یامه‌ك بۆ رایا گشتی راگه‌هاند

برێز مه‌سعود بارزانی سه‌رۆكێ هه‌رێما كوردستانێ په‌یامه‌ك بۆ رایا گشتی راگه‌هاند. سه‌رۆك بارزانی د په‌یاما خوه‌ ده‌ دبێژه‌، گه‌لێ كوردستانێ ئه‌زمونه‌ك سه‌دسالی یا پر نه‌خوه‌شی د گه‌ل حكومه‌تێن عێبراقێ ده‌رباس كریه‌. د ڤێ سه‌د سالێ دا شه‌راكه‌ت نه‌هاتیه‌ جی بجی كرن و گه‌لێ كورسدتان توشی ئه‌نفال و كیمیابارانێ بوو. ژبۆ گه‌هشتن ب ئاشتی و دویركه‌فتن ژ شه‌ر و ئاسته‌نگیێن زێدتر گه‌لێ كورسدتانێ بریار دایه‌ ریفراندۆمێ بكه‌ه‌و به‌ره‌ڤ سه‌رخۆبوونێ پێنگاڤ بهاڤێژیت. سه‌رۆك بارزانی دبێژیت ئه‌ڤ پێنگاڤ مافه‌ك سروشتی و ره‌وا یا خه‌لكێ كوردستانێ یه‌و ناكۆك نیه‌ د گه‌ل چ بنه‌مایێن ئه‌سمانی و ئینسانی. جی بجی كرنا ڤێ مافێ ب تو ئاوایه‌كێ ب واتایا دژاتی كرنا هیچ پێكهاته‌یێن نه‌ته‌وه‌ی و ئاینی یێن گه‌لێ عێراقێ نیه‌. به‌لكو ئه‌ڤه‌ دانانا بنه‌مایه‌ك بهێزه‌ بۆ رێگرتن ل تێكدانا په‌یوه‌ندییا دیرۆكیا ناڤبه‌را گه‌لێ كوردستان و گه‌لێ عێراقێ. هه‌ر جۆرێن ئاخفتن و ره‌فتاره‌ك كو  بێهنا دژاتیكرنا براتی و پێكڤه‌ژیانێ لێ هه‌به‌ چ په‌ویه‌ندییه‌ك ب به‌هایێن به‌رزێن گه‌لێ مه‌و سیاسه‌تا هه‌رێمێ نیه‌و زۆر دویره‌ ل فه‌رهه‌نگا پێكڤه‌ژیان و لێبورینا گه‌لێ كوردستانێ. ل وی ده‌ما كو به‌ره‌ڤ سه‌رخۆبوونێ پێنگاڤ دهاڤێژین ب پشتراستی ڤه‌ ره‌فتارا سته‌مكارانه‌ی رژێمێن به‌رێ یێ عێراقێ ل دژی گه‌لێ كوردستانێ د گه‌ل براتیا گه‌لێ كوردستان و گه‌لێ عێراقێ ناهێ تێكه‌ل كرن. ریفراندۆم ژی ب تو ئاوایه‌كی كار ناكه‌ سه‌ر به‌رده‌وامیا دۆستاتی و براتیا ناڤبه‌را گه‌لێ كوردستان و گه‌لێ عێراق به‌لكو كویرتر و بهێزتر دكه‌. سه‌رۆك بارزانی دبێژه‌، ئه‌م دزانین كو گه‌لێن عێراقێ قوربانیا ده‌ستێ رژێمێن دیكتاتۆر بونه‌و د گه‌ل گه‌لێ كوردستانێ د ئێك سه‌نگه‌ردا بونه‌. داخازێ ژ وه‌لاتیێن كوردستانێ دكه‌ین كو ل ده‌ما ده‌ربرینا ئیراده‌و مافێن وان به‌هایێن به‌رزێن گه‌لێ مه‌و فه‌رهه‌نگا براتی و پێكڤه‌ژیانا دیرۆكیا ناڤبه‌را پێكهاتێن نه‌ته‌وه‌یی و ئاینی بێ به‌رچاڤ كرن. سه‌رۆك بارزانی ل داویا په‌یاما خوه‌ دبێژه‌ خوشك و برایێن مه‌ ل عێراقێ دبه‌ بزانن كو گه‌لێ كوردستان سه‌ده‌ما تێكدانا ئێكپارچه‌یی و شه‌راكه‌ت و ژیانا هه‌ڤبه‌ش ل عێراقێ نه‌بویه‌ به‌لكو رژێمێن سته‌مكار و حكومه‌تێن عێراقێ و سیاسه‌تا ئینكار سه‌ده‌ما سه‌ره‌كیا تێكدانا پێكڤه‌یی و یه‌كپارچه‌ییا عێراقێ بون