Îran: Emê tola şehîdên xwe hildin

Îsraîl jî dibêje Îran amadekariya planeke din dijî Îsraîlê dike.

Piştî bordiman kirina Konsulusxaneya Îranê ya li Dîmeşqê ji aliyê Îsraîlê ve û kuştina 2 Fermandarên mezin yên spaha Qudis û 7 kesên din, civata ewlekariya netewî ya Îranê duhê bişev bilez civiya û di civînê de biryara vê yekê hate dayîn ku, vê Îran bersifeke dijwar bide Îsraîl û tola şehîdên xwe hilde.

Ji aliyeke din ve Îsraîl jî diyar kiriye ku, Îran hewl dide bi rêya spaha Qudis û komên din yên çekdar ji aliyê Libnanê ve êrîşeke berfire bîne ser Îsraîlê û duhê jî li Konsulusxaneya Îranê civîn bo vê yekê hebûye lewre me jî ev êrîş pêk aniye.

Îsraîl herwiha diyar kiriye ku, ji wir û şûnda tenê berevaniyê nake belku, raste rast êrîşî ser çavkaniyên metirsiyên ser Îsraîlê jî dike.