Êrîşî ser navenda El Omer hate kirin

Mezintirîn navenda hêzên Amerîkiye li Rojavayê.

Li gor daxuyaniyeke navenda mafên mirovan ya Sûrî, piştî êrîşên dronî yên duhê bo ser hêzên Amerîkî li Rojavayê Kurdistanê, îro jî dîsa bi dronan êrîşî ser mezintirîn navenda hêzên Amerîkî li Rojavayê hatiye kirin.

Ev navenda han navenda El Omere ku, li parêzgeha Dêra Zorê ye.

Navenda mafên mirovan ya Sûrî diyar kiriye ku, ev êrîş di demekê de pêk hatiye ku, hêzên Amerîkî di nava perwerdehiya leşkerî de bûne.

Heta niha ti zaniyarî derbarê zirarên êrîşê de nehatine bidestxistin.

Ji aliyeke din ve her îro li nêzî navenda leşkerî ya Dirêkê jî teqîneke mezin çê bûye û heta niha sedema teqînê jî nehatiye zanîn.