هاووڵاتیانی شاری خانه‌قین به‌ بۆنه‌ی ڕۆژی ئاڵای كوردستانه‌وه‌ ده‌ستیان كرد به‌ هه‌ڵكردن و به‌رزكردنه‌وه‌ی ئاڵای كوردستان له‌ سه‌رجه‌م كوچه‌ و كۆڵان و شوێنه‌ گشتییه‌كانی شاره‌كه‌.

چه‌ند رۆژێكه‌ له‌شاری خانه‌قین له‌لایه‌ن هاووڵاتیانه‌وه‌ ئاماده‌كاری بۆ رۆژی ئاڵای كوردستان ده‌كرێ و ئه‌مڕۆش به‌كه‌رنه‌ڤاڵێكی جه‌ماوه‌ری له‌ نێو بازاڕی خانه‌قین ئاڵای كوردستانیان به‌رزكرایه‌وه‌.

په‌رله‌مانی كوردستان له‌ ساڵی 2009، ڕۆژی 17/12ی هه‌موو ساڵێكی وه‌ك ڕۆژی ئاڵای كوردستان دیاری كرد، ئه‌مرۆش به‌م بۆنه‌وه‌ له‌ سه‌رتاسه‌ری هه‌رێمی كوردستان به‌ چالاكی جۆراوجۆر رۆژی ئاڵای كوردستان به‌رزو پیرۆز راگیرا.

ئاماده‌كردنی: رزگار