هاتوچۆ ئاگاداری سه‌رجه‌م شوفێران ده‌كاته‌وه‌ كه‌ پابه‌ندی ئه‌م رێنماییه‌ بن

به‌هۆی به‌رزبوونه‌وه‌ی پله‌ی گه‌رما و گۆڕانكاری له‌ كه‌ش و هه‌وا

هاتوچۆی سلێمانی داوا له‌سه‌رجه‌م شوفێران و هاووڵاتیان ده‌كات به‌هۆی به‌رزبوونه‌وه‌ی پله‌ی گه‌رما رۆژانه‌ یان شه‌وانه‌ دوو جار تا سێ جار سه‌ر قه‌پاغی تانكی به‌نزین بكه‌نه‌وه‌ بۆ ده‌رچوونی هه‌وای په‌نگ خواردووی ناو تانكی به‌نزینه‌كه‌.

به‌رێوه‌به‌رایه‌تی هاتوچۆی سلێمانی له‌ هه‌ژماری تایبه‌تی خۆی له‌ تۆری كۆمه‌ڵایه‌تی فه‌یسبووك ئاگاداری سه‌رجه‌م هاووڵاتییان ده‌كاته‌وه‌ به‌هۆی به‌رزبوونه‌وه‌ی پله‌ی گه‌رما و گۆڕانكاری له‌ كه‌ش و هه‌واو پاراستنی شۆفێران و سه‌رنشین و ئۆتۆمبێڵ و ماتۆڕسكیله‌كان له‌ هه‌ر حاڵه‌تیكی نه‌خوازراو، رۆژانه‌ یان شه‌وانه‌ دوو جار تا سێ جار سه‌ر قه‌پاغی تانكی به‌نزین بكه‌نه‌وه‌ بۆ ده‌رچوونی هه‌وای په‌نگ خواردووی ناو تانكی به‌نزینه‌كه‌.

ئاماده‌كردنی: رزگار