له‌ دووزخورماتوو هاووڵاتییه‌كی كورد بریندار كرا

چه‌كداره‌كان ده‌ڵێن ده‌ڵێن كورد له‌ دووزخورماتوو چی ده‌كات؟

كاتژمێر 9:40 خوله‌كی سه‌رله‌به‌یانی ئه‌مڕۆ له‌ به‌رامبه‌ر باره‌گای توركمانی له‌ دووزخورماتوو، 2 چه‌كداری توركمانی شیعه‌ به‌ ماتوڕسكیلێك به‌ ده‌مانچه‌ ته‌قه‌یان له‌ هاوڵاتییه‌كی كورد كرد و  برینداریان كرد.

"محه‌مه‌د فایه‌ق" به‌رپرسی ڕاگه‌یاندنی قایمقامییه‌تی دووزخورماتوو، له‌ پێگه‌ی فه‌رمی خۆی له‌ تۆڕی كۆمه‌ڵایه‌تی فه‌یسبووك رایگه‌یاند: دوای ئه‌وه‌ی 2 چه‌كداری توركمانی شیعه‌ مه‌زهه‌ب به‌ چه‌كی جۆری ده‌مانچه‌ هاوڵاتییه‌كی كوردی به‌ بنه‌چه‌ خه‌ڵكی دووزخورماتو كه‌ ئێستا له‌ كه‌لار داده‌نیشێت به‌ ناوی "ئاشتی حه‌سه‌ن مه‌جید" له‌ دایكبووی ساڵی 1995 بریندار ده‌كه‌ن و ده‌ڵێن كورد له‌ دووزخورماتوو چی ده‌كات؟

شایه‌نی باسه‌ له‌ دوای رووداوه‌كانی 16ی ئۆكتربه‌ری ساڵی ڕابردووه‌ وه‌  دووزخورماتوو كه‌وته‌ به‌ر شاڵاوێكی ڕه‌شی میلیشیا شیعه‌ توركمان و عه‌ره‌به‌كان و ئه‌نفالێكی تر بۆ كورد له‌و ناوچه‌یه‌ خولقێنرایه‌وه‌ وسه‌رجه‌م كورده‌كان له‌ شارۆچكه‌كه‌ كرانه‌ ده‌ره‌وه‌ و خانو وماڵه‌كانیان تالانكران و سوتێنران ئه‌وه‌ سه‌رباری ئازارو ئه‌شكه‌نجه‌دانی هاوڵاتیانی كوردو كوشتن و بێسه‌روشوێن كردنی ده‌یان كه‌س.