ده‌قی وتاری به‌رێز مسعود بارزانی لەگەڵ دانیشتووانی‮ ‬ڕەواندوز و باڵەكایەتی‮ ‬و خەلیفان

بەرێزان،‮ ‬برایان

زۆر سوپاستان دەكەم،‮ ‬كە تەشریفتان هێناوە،‮ ‬هەرچەندە جەژنیش تەواوبووە،‮ ‬بەڵام دیسان هەر جەژنە پیرۆزەتان لێدەكەم،‮ ‬ئینشائەڵڵا هەموو ساڵێك بەخێرو خۆشی‮ ‬و بەسەربەرزی‮ ‬و سەرفرازی‮ ‬جەژن دەكەنەوەو كوردستان لەوپەڕی‮ ‬خۆشی‮ ‬و نیعمەتدا دەبێ‮.‬

سەردانم بۆ ئەم دەڤەرە لەچوارچێوەی‮ ‬بەرنامەیەكی‮ ‬فراواندایە،‮ ‬ئینشائەڵڵا ئەگەر خوا فرسەتم بدات سەردانی‮ ‬هەموو ناوچەكانی‮ ‬كوردستان دەكەم،‮ ‬لە زاخۆ تا خانەقین،‮ ‬ئەمە‮ ‬یەكەم هەڵقەیە،‮ ‬یەكەم دەڤەرە كە من سەردانی‮ ‬دەكەم،‮ ‬بۆ ئەوەی‮ ‬سوپاستان بكەم بۆ هەڵوێستان،‮ ‬هی‮ ‬كۆن و هی‮ ‬ئێستاو هەروەها بۆ ئەحواڵپرسین و گوێگرتن لە پێشنیارەكان،‮ ‬من ئەم بەیانییە لەگەڵ قایمقام و بەڕێوەبەری‮ ‬ناحیەكان دانیشتم بە ئامادەبوونی‮ ‬جەنابی‮ ‬پارێزگاریش،‮ ‬گوێمان گرت لە بارودۆخی‮ ‬ناوچەكە لەرووی‮ ‬خزمەتگوزاریەوە،‮ ‬جێگای‮ ‬شانازییە كە دەتوانم بڵێم خزمەتگوزاریەكی‮ ‬یەكجار زۆر باش پێشكەشكراوە،‮ ‬بەڵام زۆریشی‮ ‬ماوە كە دەبێ پێشكەش بكرێت‮.‬


وڵاتی‮ ‬ئێمە چەندەها ساڵ بوو هەر وێران دەكران،‮ ‬لەبەر ئەوە هەرچییەكی‮ ‬دەكرێ دیسان بەشێكی‮ ‬زۆر دەمێنێتەوە لەوێرانكاری،‮ ‬هەرچەند گوند ئاوەدان بكرێتەوە،‮ ‬چەند قوتابخانە دروست بكرێت،‮ ‬چەند نەخۆشخانە دروست بكرێت،‮ ‬هەم دیسان زۆری‮ ‬دەمێنێ،‮ ‬چەند شەقام دروست بكرێ،‮ ‬هەم دیسان زۆری‮ ‬دەمێنێ،‮ ‬بەڵام جارێكی‮ ‬تریش من دەڵێم ئەوەی‮ ‬كە لەم چەند ساڵانەدا بووە جێگەی‮ ‬شانازییە،‮ ‬و جێی‮ ‬خۆشحاڵیمانە‮.‬


ئەو پێشنیارانەی‮ ‬كە ئەمڕۆ گوێم لێبووە،‮ ‬ئێمە زۆر بە ئەهمیەت و جدیەتەوە وەرمانگرتووەو دیراسەتیان دەكەین،‮ ‬ئەوەی‮ ‬كە پەیوەندی‮ ‬بە خزمەتگوزاریەوە هەیە دڵنیابن بەڵێنی‮ ‬ئەوەتان دەدەمێ هەرچی‮ ‬لەتوانای‮ ‬ئێمەدا بێ بیكەین بۆ خۆشگوزەرانی‮ ‬ئێوە،‮ ‬بۆ بەختەوەری‮ ‬ئێوە،‮ ‬من ناتوانم بەڵێنی‮ ‬ئەوە بدەم هەرچی‮ ‬پێشنیاری‮ ‬ئەمرۆ گوێمان لێبووە هەمووی‮ ‬جێبەجێ دەكەین،‮ ‬بەڵام ئەگەر پێمان بكرێ هەر هەمووی‮ ‬جێبەجێ دەكەین،‮ ‬بەڵام بەڵێنی‮ ‬ئەوەتان دەدەمێ كە درێغی‮ ‬ناكەین لەوەی‮ ‬كە لەتواناماندا بێ بیكەین بۆ خزمەتی‮ ‬ئێوە بۆ دابینكردنی‮ ‬پێویستیەكانتان‮.‬


ئێمە زۆر چاك لەبیرمانە بەتایبەتی‮ ‬ناوچەی‮ ‬باڵەكایەتی‮ ‬و هەموو ناوچەكانی‮ ‬دیكەی‮ ‬كوردستان،‮ ‬بەڵام لەكاتی‮ ‬شۆڕشی‮ ‬ئەیلوول ناوچەی‮ ‬باڵەكایەتی‮ ‬مۆڵگەی‮ ‬شۆڕش بوو،‮ ‬بنكەی‮ ‬شۆڕش بوو،‮ ‬ئێمە هەمیشە نان و نمەكی‮ ‬ئێوەمان لەبیرە،‮ ‬بڕواناكەم گوندێك مابێ لەناوچەی‮ ‬باڵەكایەتی‮ ‬نانی‮ ‬ئێوەمان نەخواردبێ،‮ ‬لەبەر ئەوە ئێمە خۆمان بەقەرزاری‮ ‬ئەو میللەتە دەزانین،‮ ‬ئەمە بەنیسبەت هەموو میللەتی‮ ‬كوردیشەوەیە،‮ ‬چەند خزمەتی‮ ‬ئێوە بكرێ،‮ ‬ئێمە خۆشحاڵ دەبین،‮ ‬چەند ئێوە بەختەوەر بن،‮ ‬ئێمە بەختەوەر دەبین،‮ ‬حەزیش دەكەم ئاگادارتان بكەم كە ئێمە بەرنامەیەكی‮ ‬فراوانمان بەدەستەوەیە بۆ چاكسازی‮ ‬رەوشەكە،‮ ‬بۆ ئەوەی‮ ‬دامودەزگای‮ ‬دەستووری‮ ‬و موئەسەساتی‮ ‬دەستووری‮ ‬دابمەزرێنین،‮ ‬حكوومەت،‮ ‬یەك حكوومەت دەبێت،‮ ‬سەرۆك وەزیران،‮ ‬سەرۆك وەزیرانی‮ ‬هەمووی‮ ‬كوردستانە،‮ ‬وەزیر،‮ ‬وەزیری‮ ‬هەموو كوردستانە،‮ ‬حزبەكان پاڵپشتی‮ ‬حكوومەت دەبن،‮ ‬بەڵام حكوومەت حوكمڕانی‮ ‬دەكات،‮ ‬حكوومەتیش هی‮ ‬هەموو میللەتی‮ ‬كوردە‮.‬


ئێمە دەمانەوێت پەرلەمانی‮ ‬ئێمە زۆر كاراتربێت و چاودێری‮ ‬حكوومەت بكات،‮ ‬بەرنامەی‮ ‬لیستی‮ ‬كوردستانی‮ ‬و بەرنامەی‮ ‬لیستەكانی‮ ‬تریش ئێمە بەگرنگی‮ ‬وەری‮ ‬دەگرین و ئەمە بەرنامەی‮ ‬كاری‮ ‬ئێمە دەبێ لە ئایندە،‮ ‬بەنیسبەتی‮ ‬ئێمە زۆر ئەولەویاتمان هەیە،‮ ‬بەڵام لەهەموو ئەولەویاتێك سەرووتر پاراستنی‮ ‬یەكڕیزی‮ ‬میللەتی‮ ‬كوردە،‮ ‬كە دەڵێم پاراستنی‮ ‬یەكڕیزی‮ ‬كورد،‮ ‬یەكهەڵوێستی‮ ‬میللەتی‮ ‬كورد،‮ ‬خۆشبەختانە دەتوانم بڵێم لەم چەند رۆژەی‮ ‬رابردوو دەركەوت كە سوپاس بەخوا میللەتی‮ ‬كورد لەئاستێكی‮ ‬بەرزە لە تێگەیشتن و لە هەستكردن بە مەسئولیەت،‮ ‬مەسەلەی‮ ‬هەڵبژاردنی‮ ‬ئێراق كە هاتەپێشەوە.‮

‬ئێوەش بەتەئكید ئاگادارن كە بەتەمابوون چەند گرفتێك بۆ كورد دروست بكەن و‮ ‬غەدرێكی‮ ‬گەورەی‮ ‬لێبكەن،‮ ‬هەموو حزبەكان،‮ ‬هەموو میللەتی‮ ‬كورد‮ ‬یەكهەڵوێست وەستاوە،‮ ‬بەراستی‮ ‬ئەمە داواكارییە،‮ ‬دەتوانن لەناو پەرلەمانی‮ ‬خۆمان گلەیی‮ ‬لەیەكتری‮ ‬بكەن و رەخنە بگرن و هەرچی‮ ‬حەزبكەن بیڵێن و بیكەن،‮ ‬بەڵام كە گەیشتە پرسی‮ ‬نەتەوەیی‮ ‬و بەرژەوەندی‮ ‬ستراتیژی‮ ‬میللەتەكەمان،‮ ‬دەبێ‮ ‬یەكهەڵوێست بین،‮ ‬سوپاس بۆ خوا ئیسپاتیش بوو كە‮ ‬یەكهەڵوێست بووین،‮ ‬ئەمە مەرجی‮ ‬سەركەوتنی‮ ‬ئێمەیە،‮ ‬مەرجی‮ ‬پاراستنی‮ ‬ئەم دەسكەوتانەیەو مەرجی‮ ‬بەدەستهێنانی‮ ‬دەسكەوتی‮ ‬تریشە،‮ ‬بۆیە كاری‮ ‬سەرەكی‮ ‬من ئەوە دەبێ كە من ئەم‮ ‬یەكێتییە بپارێزم،‮ ‬هەروەكو عەرزم كردن ئێمە هەموو ئەو پێشنیارانەمان وەرگرتووە كە چۆن و چی‮ ‬پێویستە بكرێ و گوێشمان گرت لەوەی‮ ‬كە كراوە،‮ ‬ئینشائەڵڵا ئەوەی‮ ‬مومكین بێت درێغی‮ ‬ناكەین و بەردەوام دەبین لەسەر پێشكەشكردنی‮ ‬خزمەتگوزاری‮ ‬بۆ ئێوە،‮ ‬دەمەوێ لەم فرسەتەش سوود وەرگرم بۆ ئەوەی‮ ‬هەندێك بابەتی‮ ‬گرنگی‮ ‬رۆژتان بۆ روون بكەینەوە،‮ ‬كە‮ ‬یەكەمیان مەسەلەی‮ ‬هەڵبژاردنی‮ ‬سەرتاسەری‮ ‬ئێراق و پەیوەندی‮ ‬ئێمەو بەغدا،‮ ‬ئەو گرفتانەی‮ ‬كە هەبوون باوەڕناكەم تا هەڵبژاردن هیچكامیان چارەسەربكرێن،‮ ‬یا حەسم بكرێن،‮ ‬چونكە هەموولا سەرقاڵی‮ ‬هەڵبژاردنن،‮ ‬هەڵبژاردنیش هەروەكو بەڕێزتان ئاگادارن،‮ ‬كە‮ ‬یاسای‮ ‬هەڵبژاردن لەپەرلەمان باسكرا،‮ ‬دیسان مەسەلەی‮ ‬كەركووكیان لەگەڵ‮ ‬یاسا بەستەوە،‮ ‬كە ئەمە بەڕاستی‮ ‬هەنگاوێكی‮ ‬راست نەبوو،‮ ‬هیچ پێویست نەبوو تەنها بۆ ئەوە نەبێ كە كێشە دروست بكەن،‮ ‬خەڵكانێك رەنگە نەیانویستبێ ئەسڵەن هەڵبژاردن ببێ،‮ ‬بۆیە چوون تێكەڵیان كرد،‮ ‬ئینجا بەشێوەیەكیش كە‮ ‬غەدرێكی‮ ‬یەكجار زۆری‮ ‬تێدابوو بەنیسبەتی‮ ‬كورد،‮ ‬ژمارەی‮ ‬كورسییەكانی‮ ‬كەركووك‮ ‬9‮ ‬كورسییە،‮ ‬ئەگەر لەمەودوا پاش ئەو تەعدیلاتەی‮ ‬كە دەكرێ چەندیتر زیاد دەكرێ،‮ ‬نازانم،‮ ‬بەڵام لەو‮ ‬9‮ ‬كورسییە داوادەكرا‮ ‬2‮ ‬بدرێ بە عەرەب و توركمان لەكەركووك،‮ ‬یەعنی‮ ‬دەمێنێتەوە‮ ‬7،‮ ‬هەڵبژاردن لەسەر ئەو‮ ‬7‮ ‬كورسییە دەكرێت،‮ ‬ئەگەر كورد‮ ‬4‮ ‬كورسی‮ ‬ببات،‮ ‬ئەوان‮ ‬3‮ ‬ببەن،‮ ‬3ی‮ ‬هەڵبژاردن و لەگەڵ ئەو‮ ‬2‮ ‬ی‮ ‬كە پێیان بەخشراوە،‮ ‬یەعنی‮ ‬ئەوان دەبنە‮ ‬5‮ ‬و كورد دەبێتە‮ ‬4‮. ‬غەدر لەمە گەورەتر چی‮ ‬دەبێت،‮ ‬خۆشتان دەزانن كە ساڵی‮ ‬74‮ ‬شەڕ‮ ‬لەسەر كەركووك دەستی‮ ‬پێكردەوە،‮ ‬شۆڕشی‮ ‬ئەیلوول لەسەر كەركووك تێكچوو،‮ ‬چۆن دەكرێ ئێستا بەو ئاسانییە ئێمە دەست لەكەركووك هەڵبگرین،‮ ‬خۆ ئێمە ناڵێین ئێمە كەركووك لەئێراق جیادەكەینەوە،‮ ‬كەركووك وەكو هەولێر وەكو سلێمانی‮ ‬وەكو دهۆك بەشێكە لەئێراق،‮ ‬بەڵام با ناسنامەی‮ ‬دیاری‮ ‬بكرێت،‮ ‬ناسنامەكەی‮ ‬ئێمە ناڵێین.


‮‬بەڵام ئێمە شكمان نییە لەوەی‮ ‬كە كەركووك كوردستانییەو بەشێكە لەكوردستان و خەڵكی‮ ‬كەركووك دڵی‮ ‬كوردستانە،‮ ‬بەڵام دیسان گوتومانە بەپێی‮ ‬ماددەی‮ ‬140‮ ‬با ئاسایی‮ ‬بكرێتەوە ببێ،‮ ‬با سەرژمێری‮ ‬ببێ،‮ ‬ئینجا رەئی‮ ‬خەڵكەكە وەربگیرێ،‮ ‬خەڵك خۆی‮ ‬چ بڕیاری‮ ‬دا ئێمە ئیحتیرامی‮ ‬رەئی‮ ‬ئەو خەڵكە وەردەگرین،‮ ‬خەڵكەكە بڕیاریدا وتیان ئێمە نامانەوێ بێینە سەر هەرێمی‮ ‬كوردستان،‮ ‬خۆ ئێمە ناتوانین بەزۆر بڵێین ئیللا بیبەینەوە سەر هەرێمی‮ ‬كوردستان،‮ ‬بەڵام كە بڕیاریشیان دا بێنەوە،‮ ‬با رێگەیان لێنەگیرێ و ئیحتیرامی‮ ‬رەئی‮ ‬ئەو خەڵكە بگیرێ،‮ ‬ئینجاش خۆ وەكو هەولێرو سلێمانی‮ ‬و دهۆك بەشێك دەبێ لەئێراق،‮ ‬خۆ ئێمە جیای‮ ‬ناكەینەوە لە ئێراق،‮ ‬تا زووتر ئەو مەسەلەیە چارەسەربكرێ،‮ ‬باوەڕبكەن لەبەرژەوەندی‮ ‬ئێراقیشدایە،‮ ‬نەوەكو بڵێی‮ ‬لەبەرژەوەندی‮ ‬كوردستاندایە بەتەنیا،‮ ‬چونكە كات و زەمەن ئەم مەسەلەیە چارەسەر ناكەن،‮ ‬ئیللا چارەسەرێكی‮ ‬عاقڵانە،‮ ‬چارەسەرێكی‮ ‬حەكیمانە،‮ ‬پێشمانوایە ئەو چارەسەرە حەكیمانە ئەوەیە كە لەماددەی‮ ‬140دا هاتووە،‮ ‬وەختێك كە بینیمان بەم شێوەیە،‮ ‬بەتوندی‮ ‬ئێمە وەستاین،‮ ‬هەموو حزب و لایەنەكانیش هەموو‮ ‬یەكهەڵوێست بوون،‮ ‬كە ئەمە زۆر جێی‮ ‬خۆشحاڵی‮ ‬بوو،‮ ‬ئەو پلانە سەری‮ ‬نەگرت،‮ ‬ئینجا هاتنەسەر ئەوەی‮ ‬كە تەعدیلاتی‮ ‬تێدابكرێ و خرایە دەنگدان،‮ ‬لەدەنگدانیش كورد هەموو‮ ‬یەكدەنگ و‮ ‬یەكهەڵوێست بوون،‮ ‬زۆر لەبرا عەرەبەكانیش لەگەڵ ئێمە هاوهەڵوێست بوون،‮ ‬ئەوەبوو بەزۆرینە دەنگیدا لەبەرژەوەندی‮ ‬ئێراق و لەبەژەوەندی‮ ‬خەڵكی‮ ‬كوردستان و هەموو خەڵكی‮ ‬ئێراق،‮ ‬ئەو شۆڤینیانەش شكستیان هێنا،‮ ‬كە ئەمەش سەركەوتنێكی‮ ‬دیكە بوو،‮ ‬بەڵام جارێكی‮ ‬دیكە لەدابەشكردنی‮ ‬كورسییەكان پشت دەبەسترێ بەحیسباب ئەو فۆرمەی‮ ‬خۆراك كە وەزارەتی‮ ‬بازرگانی‮ ‬ئێراق كە دەستكارییەك و تەزویرێكی‮ ‬وای‮ ‬تێداكراوە،‮ ‬كە بەهیچ شێوەیەك پینە ناكرێ،‮ ‬بۆ نموونە‮: ‬شاری‮ ‬مووسڵ بەتەنها‮ ‬12‮ ‬كورسی‮ ‬بۆ دانراوە،‮ ‬هەر سێ پارێزگای‮ ‬هەرێمی‮ ‬كوردستانی‮ ‬ئێستا‮ (‬سلێمانی‮ ‬و هەولێرو دهۆك‮) ‬3‮ ‬كورسییان بۆ داناوە،‮ ‬ئەویش سلێمانی‮ (‬سفر‮)‬،‮ ‬یەك كورسییان بۆ دانەناوە،‮ ‬هەولێر‮ (‬1‮)‬،‮ ‬دهۆك‮ (‬2‮)‬،‮ ‬باشە هەر كەسێك ئەم حیساباتانە تەماشابكات و لێكی‮ ‬بداتەوە،‮ ‬نابینێ كە ئەمە‮ ‬غەدرێكی‮ ‬گەورەیەو تەزویرێكی‮ ‬یەجگار زۆر گەورەیە كراوە،‮ ‬تەبعەن ئەمە ناعەدالەتی‮ ‬تێدایە،‮ ‬ئینجا ئێستا گفتوگۆ هەیە لەسەر ئەوەی‮ ‬كە دەبێ چۆن ئەم دابەشكردنە،‮ ‬دابەشكردنێكی‮ ‬عادیلانەبێ،‮ ‬لیژنەیەكمان بۆی‮ ‬داناوە،‮ ‬خەریكن دیراسەتی‮ ‬دەكەن،‮ ‬ئەگەر دابەشكردنی‮ ‬كورسییەكان بەشێوەیەكی‮ ‬عادیلانە بێ،‮ ‬هیچ كێشەیەكمان نییە،‮ ‬ئەگەر‮ ‬غەدریشی‮ ‬تێدابێ،‮ ‬بەخوا نەك كورد،‮ ‬غەدریش لەعەرەبیش بكرێ،‮ ‬ئەگەر پێمان بكرێ ئێمە نایەڵین،‮ ‬بەڵام بەهیچ شێوەیەك قبووڵ ناكرێ‮ ‬غەدر لەكورد بكرێ،‮ ‬ئەگەر بزانین جا ئەو لیژنەیە لەگەڵ پەرلەمان لەگەڵ هاوپەیمانی‮ ‬كوردستانی‮ ‬لەگەڵ لایەنەكانی‮ ‬تری‮ ‬عەرەبی،‮ ‬خەریكی‮ ‬گفتوگۆن،‮ ‬ئەگەر گەیشتنە ئەنجامێكی‮ ‬باش و مەعقوڵ و عەدالەتی‮ ‬تێدابێ باشە،‮ ‬ئەگەرنا،‮ ‬ناكرێ كە‮ ‬غەدری‮ ‬تێدابێ،‮ ‬چونكە دەكرێ لەدابەشكردنی‮ ‬پۆستی‮ ‬ئیداری‮ ‬كورد زۆر سەغی‮ ‬بێ زۆر لە بەشی‮ ‬خۆشی‮ ‬بدات بە عەرەب بە توركمان بەخەڵكی‮ ‬دیكە،‮ ‬بەڵام لە مەسائیلی‮ ‬تەشریعی‮ ‬و لە دیاریكردنی‮ ‬رێژەو نفوزو قەوارەی‮ ‬كورد،‮ ‬ئەمە بەهیچ شێوەیەك مومكین نییە موساوەمەو دەستكاری‮ ‬ئەوە بكرێت،‮ ‬ئینجا بابزانین ئەوە ئێستا خەریكین،‮ ‬كاتی‮ ‬خۆشی‮ ‬كە ئیسرار دەكرا،‮ ‬بەشی‮ ‬كورد‮ ‬یەعنی‮ ‬ئێمە دەبینە‮ ‬%12‮ ‬لە ئێراق،‮ ‬كە كورد بە تەئكید ئەگەر سەرژمێرییەكی‮ ‬ورد بكرێ،‮ ‬كە هەمیشە گوتومانە وەرن سەرژمێرییەكی‮ ‬ورد بكەن كورد لە‮ ‬%25‮ ‬كەمتر نییە،‮ ‬ئینجا چەند زیاترە من نازانم،‮ ‬بەڵام بەتەئكید لە‮ ‬%25‮ ‬كەمتر نییە،‮ ‬لە‮ ‬%25‮ ‬ئێمە دەبینە‮ ‬%12،‮ ‬بەو شێوەی‮ ‬كە ئەوان گوتیان،‮ ‬لەبەر ئەوەبوو كە من داوام كرد ئەگەر وابڕوات من داوا لەمیللەتی‮ ‬كورد دەكەم كە ئەسڵەن بایكۆتی‮ ‬هەڵبژاردن بكەین،‮ ‬ئێستاش من تەئكید لەوە دەكەمەوە ئێمە دەمانەوێت دابەشكردنی‮ ‬كورسییەكان بەشێوەیەكی‮ ‬عادیلانەبێ،‮ ‬بۆ ئەوەی‮ ‬غەدر لەهیچ كەس نەكرێ،‮ ‬غەدری‮ ‬تێدابێ قبووڵ ناكرێت‮. ‬خاڵی‮ ‬دیكە پەیوەندی‮ ‬ئێمەو دەرو جیرانەكانمانە،‮ ‬ئەویش سوپاس بۆ خوا زۆر بەرەوپێش رۆیشتووە،‮ ‬پەیوەندی‮ ‬ئێمە لەگەڵ ئێران لەگەڵ توركیا لەگەڵ دەوڵەتەكانیتر لەگەڵ ئەورووپا،‮ ‬لەگەڵ ئەمەریكا،‮ ‬من ئەم سەفەرەی‮ ‬دواییم بۆ ئەورووپا بۆم دەركەوت،‮ ‬كە زۆر موهتەمن بە هەرێمی‮ ‬كوردستان،‮ ‬سوپاس بۆ خوا وڵاتێكی‮ ‬زۆر زۆر دەوڵەمەندمان هەیە،‮ ‬سوپاس بۆ خوا،‮ ‬ئێمە پێویستیمان بەهاوكاری‮ ‬دەرەوە هەیە،‮ ‬یارمەتی‮ ‬ئێمە بدەن،‮ ‬چۆن ئێمە سوود لەو خێرو بەرەكەتەی‮ ‬ئەم وڵاتەی‮ ‬خۆمان بكەین.


‬سیاسەتی‮ ‬ئێمە ئەوەیە،‮ ‬ئێمە دەبێ سەرچاوەی‮ ‬ژیان بۆ میللەتی‮ ‬خۆمان دابین بكەین،‮ ‬بەشێوەیەكی‮ ‬هەمیشەیی،‮ ‬ئەوە سیاسەتێكی‮ ‬راست نییە،‮ ‬هەموو خەڵكی‮ ‬كوردستان ببێتە مووچەخۆر،‮ ‬سیاسەتێكی‮ ‬راست نییە و لە ئەنجامدا هەموو میللەتی‮ ‬ئێمە تووشی‮ ‬گەورەترین كارەسات دەبێت،‮ ‬لەبەر ئەوە ئێمە دەبێ سەرچاوەی‮ ‬ژیان بۆ میللەتی‮ ‬خۆمان دابین بكەین،‮ ‬پشت بە كشتوكاڵ،‮ ‬بە گەشتوگوزار ببەسترێت،‮ ‬لەگەڵ هاندانی‮ ‬كەرتی‮ ‬تایبەت،‮ ‬دامەزراندنی‮ ‬كارگەو كارخانەی‮ ‬بچووك و ئەوەی‮ ‬كە بازاڕی‮ ‬رۆژانەی‮ ‬هەبێ،‮ ‬یەعنی‮ ‬بەكورتی‮ ‬و پوختی‮ ‬دەبێ خەڵكی‮ ‬ئێمە فێری‮ ‬ماسی‮ ‬گرتن بێ نەك ماسی‮ ‬خواردن،‮ ‬بۆ ئەوەی‮ ‬ئیعتیماد لەسەر خۆی‮ ‬بكات،‮ ‬یەعنی‮ ‬خەڵكی‮ ‬ئێمە بگەڕێتەوە بۆ ئەو سەردەمەی‮ ‬كە ئیعتیمادی‮ ‬تەواوی‮ ‬لەسەر خۆی‮ ‬بێت،‮ ‬هەتا حكوومەت مووچەی‮ ‬خۆی‮ ‬لەحكوومەتی‮ ‬هەرێم،‮ ‬بەڵێ ئەوانەی‮ ‬كە فەرمانبەری‮ ‬حكوومەتن با مووچەیان هەبێ،‮ ‬بەڵام هەموو خەڵكێك چاوی‮ ‬لەوەبێ،‮ ‬ببێتە مووچەخۆر،‮ ‬مانای‮ ‬ئەوەیە ئەمە ئینتیحارە،‮ ‬بۆیە سیاسەتی‮ ‬ئێمە ئەوەیە كە ئێمە ئەو سەرچاوانە دابین بكەین،‮ ‬ئیهتیمامێكی‮ ‬زۆر بەوەی‮ ‬كە كۆچكردن بە پێچەوانەوەبێ،‮ ‬جارێكی‮ ‬تر بەرەو دێهات،‮ ‬چونكە بەنیسبەتی‮ ‬ئێمە زەمانەتی‮ ‬هەرە سەرەكی‮ ‬میللەتی‮ ‬ئێمە،‮ ‬وڵاتی‮ ‬ئێمە،‮ ‬دێهاتی‮ ‬ئێمەیە،‮ ‬نابێ دێهاتەكانی‮ ‬ئێمە چۆڵ ببێ،‮ ‬بەڵام بەمەرجێك هەموو خزمەتگوزارییەكی‮ ‬شار بگوازرێتەوە بۆ گوندیش،‮ ‬لەبەر ئەوە ئەمە كاری‮ ‬حكوومەتی‮ ‬هەرێمی‮ ‬كوردستانە و ئینشائەڵڵا بەپێی‮ ‬بەرنامەیەكی‮ ‬رێكوپێك و دروست ئەم بەرنامانە دادەڕێژین‮. ‬لەم بوارانەدا چەند ئێمە سەركەوتن بەدەست بێنین،‮ ‬ئەوەندە ئیحتیرامی‮ ‬خۆمان فەرز دەكەین،‮ ‬من پێشتریش چووم بۆ ئەورووپا،‮ ‬ئەمجارەش چووم،‮ ‬باوەڕبكەن ئەمجارە هەستم كرد ئیحتیرامی‮ ‬كوردستان و هەرێمی‮ ‬كوردستان زۆر زیاترە،‮ ‬ئەویش لەبەر ئەو ئەمن و ئاسایشەی‮ ‬كە هەیە،‮ ‬ئەو پێشكەوتنەی‮ ‬كە هەیە‮. ‬



بەڵام ئەو هەڵبژاردنەی‮ ‬كە بوو،‮ ‬هەڵبژاردنەكان،‮ ‬راستە مومكینە هەندێك ئاڵوگۆڕی‮ ‬تێدابوو،‮ ‬هەندێك موعارەزەی‮ ‬تازە دروست بووە،‮ ‬ئەمە هەموو سرووشتیە،‮ ‬بەڵام مەرج ئەوەیە ئێمە ‬یەكهەڵوێست بین،‮ ‬لەناوخۆمان با گلەیی‮ ‬لەیەكتر بكەین،‮ ‬هەریەكێك بۆچوونی‮ ‬خۆی‮ ‬هەیە جیاوازە،‮ ‬كێشە نییە،‮ ‬بەڵام كە گەیشتە پرسی‮ ‬نەتەوەیی،‮ ‬دەبێ ئێمە‮ ‬یەكبین،‮ ‬ئەمە مەرجی‮ ‬سەرەكییە،‮ ‬بەمەی‮ ‬كە هەڵبژاردنێكی‮ ‬سەركەوتووانەبوو،‮ ‬پاك بوو،‮ ‬چونكە چاودێری‮ ‬بیانی‮ ‬لەهەموو وڵاتانی‮ ‬دنیا هاتبوون و زۆر بەدیقەتیش چاودێری‮ ‬هەموو شتێكیان دەكرد،‮ ‬زۆر ئیحتیرامی‮ ‬كوردی‮ ‬زیادكردووە،‮ ‬لەزۆر وڵاتانی‮ ‬تر كە ساڵەهای‮ ‬ساڵە وڵاتن و دەوڵەتن و دەوڵەتیان هەبووە،‮ ‬هەڵبژاردنیان ئەنجامداوە بووە بە بەڵا بەسەریان،‮ ‬لە هەزارو‮ ‬یەك كێشە سەری‮ ‬هەڵداوە،‮ ‬لەكوردستان وانەبوو،‮ ‬ئەمە پێگەیشتنی‮ ‬میللەتی‮ ‬ئێمە پیشان دەدات،‮ ‬ئەمە هەستكردنی‮ ‬میللەتی‮ ‬ئێمە بە مەسئولیەت پیشان دەدات،‮ ‬حەقیقەت ئەمە جێی‮ ‬شانازییە،‮ ‬یەعنی‮ ‬هەموو كوردێك هەقە شانازی‮ ‬بكات،‮ ‬بەڵێ راستە ئێمە بۆچوونی‮ ‬جیاوازمان هەیە،‮ ‬زۆر سرووشتییە و زۆر سرووشتی‮ ‬وەریبگرن‮.‬


ئیتر ئەم خاڵانەبوون كە من ویستم عەرزتان بكەم و دەتوانم تەئكیدتان بۆ بكەم كە ئێمە دەست بە بەرنامەیەكی‮ ‬تازە دەكەین،‮ ‬ئینشائەڵڵا چاكسازییەكی‮ ‬تەواو لەسەر هەموو بوارەكاندا دەكەین،‮ ‬پشتگیری‮ ‬ئێوەمان پێویستە،‮ ‬پشتیوانی‮ ‬ئێوەمان پێویستە،‮ ‬خوای‮ ‬گەورەش ئینشائەڵڵا پشت و پەنای‮ ‬هەموولایەك بێت و زۆر سوپاستان دەكەم‮.‬