ده‌قی وتاری به‌رێز مسعود بارزانی لەگەڵ دانیشتووانی‮ ‬سۆران و سیدەكان
بەناوی‮ ‬خوای‮ ‬گەورەو میهرەبان

خوشك و برایانی‮ ‬بەڕێز‮...‬

زۆر سوپاستان دەكەم كە تەشریفتان هێناو بە دیدارتان خۆشحاڵم و جەژنتان پیرۆزبێت،‮ ‬هەرچەندە جەژن تەواوبووە،‮ ‬بەڵام هەر‮ ‬ڕۆژێكی‮ ‬بەسەرداچووەو پەنا بەخوا هەموو ساڵێك بەخێرو خۆشی‮ ‬جەژن دەكەن و كوردستان هەر لە سەركەوتن و خۆشیدا دەبێ‮. ‬مەبەست لە سەردانم بۆ هەواڵپرسین بووەو هەروەها بەسەركردنەوەی‮ ‬ئێوەی‮ ‬بەڕێزو ناوچەكەو گوێگرتن لە بیروبۆچوونەكانتان بەتایبەتی‮ ‬بۆ دانیشتن لەگەڵ بەرپرسانی‮ ‬حكوومی،‮ ‬لەگەڵ بەڕێز جەنابی‮ ‬پارێزگارو قایمقام و بەڕێوەبەرانی‮ ‬ناحییەكان بۆ ئەوەی‮ ‬بزانین چی‮ ‬بۆ ئەم ناوچەیە كراوەو چی‮ ‬دیكە پێویستە بكرێ‮.‬

ئەو‮ ‬ڕاپۆرتانەی‮ ‬گوێم لێیان بوو جێی‮ ‬خۆشحاڵییە كە سوپاس بۆ خوا خزمەتگوزارییەكی‮ ‬زۆر باش بۆ ناوچەكە كراوە،‮ ‬بەڵام هێشتا زۆری‮ ‬ماوە،‮ ‬چونكە خۆشتان دەزانن وڵاتی‮ ‬ئێمە بە درێژایی‮ ‬ساڵانی‮ ‬ڕابردوودا وێران كراوە لەبەرئەوە هەرچی‮ ‬دەكرێ كەمە،‮ ‬100‮ ‬گوندیش ئاوەدان بكەینەوە،‮ ‬هێشتا‮ ‬100‮ ‬گوند وێرانە و ماوە،‮ ‬چەند قوتابخانەو شەقام دروست بكەیت،‮ ‬هێشتا ماوەو پێویستە،‮ ‬هەرچی‮ ‬بۆ ئێوە بكرێ هەر كەمە،‮ ‬بەڵام ئەگەر لەگەڵ ساڵانی‮ ‬پێشوو بەراورد بكرێ،‮ ‬تەنانەت لە دامەزراندنی‮ ‬حكوومەتی‮ ‬ئێراقەوە دوای‮ ‬جەنگی‮ ‬دووەمی‮ ‬جیهان تاوەكو‮ ‬ڕاپەڕین ئەمڕۆ بەپێی‮ ‬ئەو ئامارانەی‮ ‬كە گوێم لێیان بوو بەڕاستی‮ ‬جێی‮ ‬شانازین بۆ ئێمە بەوەی‮ ‬ئیدارەی‮ ‬ئێمە توانیویەتی‮ ‬ئەو هەموو خزمەتگوزارییانە پێشكەش بە میللەتەكەمان بكات‮.‬

ئێستا ژمارەی‮ ‬قوتابخانە لە هەموو ناوچەكە وەك قایمقامی‮ ‬سۆران بۆی‮ ‬باسكردم لە سنووری‮ ‬20‮-‬30‮ ‬قوتابخانە بوو،‮ ‬بەڵام ئێستا لە‮ ‬200‮ ‬تێپەڕیووە،‮ ‬واتا چەند بەرامبەر بووە‮. ‬ئەمە وەكو نموونەیەك‮.‬

من بەرنامەیەكی‮ ‬فراوانم بۆ چاكسازی‮ ‬بەدەستەوەیە بۆ ئەوەی‮ ‬هەموو شتێك شەفاف بێت و بە دیراسەت بێت،‮ ‬لەمەودوا ئێمە لە قۆناغ‮ ‬و بارودۆخێكی‮ ‬تازەدا دەبین،‮ ‬كوردستان‮ ‬یەك حكوومەت و‮ ‬یەك ئیدارەیە،‮ ‬هیچ بەدووری‮ ‬نەبینن سبەی‮ ‬قایمقامی‮ ‬سۆران بگوازرێتەوە خانەقین و قایمقامی‮ ‬خانەقینیش بگوازرێتەوە سۆران،‮ ‬ئەوە پێویستە بە شتێكی‮ ‬ئاسایی‮ ‬وەربگیرێ‮.‬

‮هەروەكو گوتوومە‮ ‬یاسا سەروەرەو سەروەریش دەبێ،‮ ‬ئێمە دەمانەوێ پەرلەمانی‮ ‬ئێمە كارابێت،‮ ‬چاودێریی‮ ‬حكوومەت بكات،‮ ‬حكوومەتیش بەڕاستی‮ ‬حكوومەتی‮ ‬خزمەتكردن و خزمەتگوزاری‮ ‬بێت‮. ‬ئێمە ئەگەر بۆچوونی‮ ‬جیاوازیشمان هەبێت و چەند حزب و لایەنیش بین شتێكی‮ ‬زۆر ئاساییە،‮ ‬بەڵام لە پرسی‮ ‬نەتەوەییدا دەبێ‮ ‬یەك بین،‮ ‬خۆشبەختانە لە‮ ‬ڕۆژانی‮ ‬ڕابردوودا لە مەسەلە هەڵبژاردندا دەركەوت‮ ‬ڕەنگە بۆچوونی‮ ‬جیاوازیش هەبێ،‮ ‬ئەوە شتێكی‮ ‬ئساییە لێرە لە كوردستان،‮ ‬بەڵام لەم پرسە نەتەوەییدا هەموویەك هەڵوێست بوون و لە‮ ‬ڕاستیدا ئەمە پێویستە و ویستراوە‮.‬

ئەولەویاتی‮ ‬ئێمە زۆرن لە مەسەلەی‮ ‬دابینكردنی‮ ‬خزمەتگوزاری‮ ‬لە هەموو‮ ‬ڕووێكەوە،‮ ‬بۆ میللەتەكەمان،‮ ‬بەڵام لە سەرووی‮ ‬هەمووشیانەوە پاراستنی‮ ‬یەكڕیزیی‮ ‬میللەتەكەمان گرنگ و پێویستە،‮ ‬چونكە بەوە ئێمە دەتوانین دەستكەوتەكانمان بپارێزین و دەستكەوتنی‮ ‬زیاتریش بەدەست بهێنین‮.‬

پێویستە بەرامبەر بە هەڕەشەو پرسی‮ ‬نەتەوەیی‮ ‬ئێمە‮ ‬یەك بین،‮ ‬لە نێو پەرلەماندا حزبەكان بۆچوونی‮ ‬جیاوازیان هەبێت هەرچی‮ ‬بكەین مافی‮ ‬خۆیانە‮ ‬ڕای‮ ‬خۆیان دەرببڕن و گلەیی‮ ‬بكەن و‮ ‬ڕەخنە بگرن و هەرچی‮ ‬بكەن مافی‮ ‬خۆیانە،‮ ‬بەڵام وەكو گوتم لە بەرامبەر پرسی‮ ‬نەتەوەییدا پێویستە ئێمە‮ ‬یەك بین‮. ‬

هەروەكو عەرزم كردن ئێمە بەرنامەیەكی‮ ‬فراوانمان لەبەردەستدا هەیەو ئەگەر خوای‮ ‬گەورە فرسەت بدات پەنا بەخوا ئەنجامیشی‮ ‬دەبینین‮. ‬

دەربارەی‮ ‬بارودۆخی‮ ‬ئێمە و بەغدا بڕوا ناكەم تا هەڵبژاردن شتێكی‮ ‬جیددی‮ ‬بكرێ،‮ ‬چونكە هەموولا خەریكی‮ ‬خۆ ئامادەكردنن بۆ هەڵبژاردن،‮ ‬بەڵام لەبارەی‮ ‬پرسی‮ ‬هەڵبژاردندا هەندێ شت هەن حەزدەكەم ئێوەش ئاگاداربن‮. ‬لەبارەی‮ ‬قانوونی‮ ‬هەڵبژاردن،‮ ‬ئێمە هیچ كاتێك پێمان خۆش نەبووە هەڵبژاردنی‮ ‬ئێراق دوابكەوێ،‮ ‬بەڵكو لەكاتی‮ ‬خۆیدا بكرێ،‮ ‬زۆریش هەوڵمانداوە لەكاتی‮ ‬خۆیدا ئەنجامبدرێ،‮ ‬بەڵام هەمیشە دەبینین دەرفەتێك بۆ هەندێ لایەنی‮ ‬شۆڤێنی‮ ‬هەڵبكەوێ هەوڵدەدەن كۆسپ دروستبكەن و دەستكەوتی‮ ‬كورد كەمبكەنەوەو گرفت بۆ ئێمە دروست بكەن‮. ‬بۆ نموونە،‮ ‬بەستنەوەی‮ ‬كەركووك بە‮ ‬یاسای‮ ‬هەڵبژاردن‮.‬


كەركووك وەكو هەر شارێكی‮ ‬دیكە با هەڵبژاردنی‮ ‬تیادا بكرێت و هەر كەسێك بە پێی‮ ‬قەبارەی‮ ‬خۆی‮ ‬دەربكەوێ و قەبارەی‮ ‬هەموو لایەك مەعلوم بێت‮. ‬ئەوان بەوەش‮ ‬ڕازی‮ ‬نەبوون و هاتن ئەوەیان ورووژاند كە پێویستە پێش وەخت‮ ‬2‮ ‬كورسی‮ ‬بدرێتە عەرەب و توركمانی‮ ‬كەركووك،‮ ‬باشە بە چ هەقێك؟وەكو من بزانم كەركووك‮ ‬9‮ ‬كورسی‮ ‬هەیە،‮ ‬ئەگەر‮ ‬2‮ ‬بە عەرەب و توركمان بدرێ‮ ‬7‮ ‬دەمێنێتەوە،‮ ‬لەسەر ئەو‮ ‬7‮ ‬كورسییە هەڵبژاردن بكرێ با كورد‮ ‬4‮ ‬بهێنێ بۆ نموونە،‮ ‬ئەوانی‮ ‬دیكە‮ ‬3‮ ‬بهێنن‮ ‬و پێشتریش‮ ‬2ی‮ ‬دیكەیان مسۆگەر كردووە واتا ئەوان دەبنە‮ ‬5‮ ‬و كوردیش‮ ‬4،‮ ‬ئەو كەركووكەی‮ ‬بارزانی‮ ‬خۆی‮ ‬و شۆڕشی‮ ‬ئەیلوولی‮ ‬لەسەر دانا ئاوا بە ئاسانیی‮ ‬ئێمە خواحافیزی‮ ‬لێبكەین؟ ئەوە چۆن دەبێ؟ ئینجا بێیت بەدەستی‮ ‬خۆت بڵێیت ئەوەتا من كەركووكم بەتۆدا و موڵكی‮ ‬من نییە ئەوە خواردنی‮ ‬مافی‮ ‬میللەتێكە،‮ ‬پاشان كەركووك وەكو هەولێر وەكو سلێمانی‮ ‬وەكو هیچ شارێكی‮ ‬دیكە لە ئێراق جیا نابێتەوە‮.‬


ئێمە دەڵێین هەق چۆنە باوابێ،‮ ‬با هەڵبژاردن بكرێت و‮ ‬ڕای‮ ‬خەڵكی‮ ‬كەركووك وەربگیرێت بابزانین زۆرینەی‮ ‬چ بڕیارێك دەدات‮. ‬ئێمە ملكەچی‮ ‬ئەو بڕیارە دەبین‮. ‬ئەگەر ویستیان بێنە سەر هەرێم بە خێربێن نەیانویست پێویستە‮ ‬ڕیز لە بڕیاری‮ ‬ئەو خەڵكە بگیرێت،‮ ‬بەڵام پێش وەخت چ فەرز بكرێ ئێمە قبوڵی‮ ‬ناكەین ئێمە خۆمان نەسەپاندووە،‮ ‬بەڵكو گوتوومانە با بارودۆخی‮ ‬شارەكە ئاسایی‮ ‬بكرێتەوە وەك ئەوەی‮ ‬لە ماددەی‮ ‬140دا هاتووە پاشان سەرژمێری‮ ‬بكرێت‮ ‬پاشان‮ ‬ڕاگیری‮ ‬بكرێ و لە خەڵكەكە بپرسن،‮ ‬جا ئەگەر خەڵكەكە نەیویست ئەوكاتە بەرپرسیارێتی‮ ‬مێژوویی‮ ‬و ئەخلاقی‮ ‬و نیشتمانی‮ ‬لەسەر ئێمەش لادەچێ،‮ ‬بەڵام خەڵكەكە بیەوێ بۆ‮ ‬ڕێگەی‮ ‬لێ بگیرێت‮. ‬ئەوان پێش وەختە دەیانەوێ داننان لە ئێمە وەربگرن كە بەڵێ كەركووكمان ناوێ،‮ ‬چۆن شتی‮ ‬وا دەكرێ‮.‬


‮ ‬دیسان جارێكی‮ ‬دیكە دەیڵێمەوە،‮ ‬كەركووك وەكو هەولێر بەشێكە لە ئێراق و ئێمە وەكو هەرێمی‮ ‬كوردستان بەشێكین لە ئێراق،‮ ‬بەشێكین لە دەوڵەتی‮ ‬ئێراق كەركووك جیا ناكرێتەوە،‮ ‬بەڵام با بەئیرادەی‮ ‬خەڵكی‮ ‬كەركووك ناسنامەی‮ ‬كەركووك دیاری‮ ‬بكرێ‮. ‬ئەو پلانە سەری‮ ‬نەگرت ئێستاش مەسەلەی‮ ‬دابەشكردنی‮ ‬كورسییەو ئەویشیان كردە گرفتێكی‮ ‬گەورە‮. ‬بۆ نموونە‮: ‬تەنها بۆ شاری‮ ‬مووسڵ‮ ‬12‮ ‬كورسییان زیاد كردووە بۆ پەرلەمان،‮ ‬بۆ هەر‮ ‬3‮ ‬پارێزگای‮ ‬ئێستای‮ ‬هەرێمی‮ ‬كوردستان كە سلێمانی‮ ‬و هەولێرو دهۆكە تەنها‮ ‬3‮ ‬كورسیان زیادكردووە كە سلێمانی‮ ‬هیچ و هەولێر‮ ‬1‮ ‬و دهۆك‮ ‬2‮ ‬كورسی‮.‬


باشە ئەوە لە هەر كەسێك بپرسن لە دونیادا نازانێ ئەمە تەزویرەو ساختەكارییە كە لە ئامارەكاندا كراوە لە وەزارەتی‮ ‬بازرگانی‮ ‬یانیش لە هەر كوێیەك بێت؟ بەڵێ ئەوەش قبوڵ نەكراو كەوتەوە دەنگدان،‮ ‬لە دەنگدان شۆڤێنییەكان دۆڕاندیان واتا ئیرادەی‮ ‬خەڵكی‮ ‬كوردو عەرەبی‮ ‬باش چ بە سوننەو چ بە شیعە سەركەوت‮. ‬ئێستاش پرسەكە‮ ‬یەكلایی‮ ‬نەكراوە،‮ ‬بەڵام ئێمە كۆمیتەیەكمان بۆ دیراسەتكردنی‮ ‬مەسەلەی‮ ‬ئەو كورسیانە داناوە،‮ ‬ئەگەر عەدالەتی‮ ‬تیادا هەبێت‮ ‬و هەمووی‮ ‬وەك‮ ‬یەك بێت هیچ گرفتێكی‮ ‬نییە،‮ ‬ئەگەر ناعەدالەتیش لە مەسەلەكەدا هەبێت بێگومان‮ ‬ڕێگەنادەین ناعەدالەتی‮ ‬لە دژی‮ ‬نە كورد نە عەرەب بكرێ،‮ ‬ئێمە‮ ‬یەك كورسی‮ ‬خەڵكی‮ ‬دیكەمان ناوێ،‮ ‬بەڵام كورسی‮ ‬كوردیش نادرێتە خەڵكی‮ ‬دیكە هەر كەسێك مافی‮ ‬خۆی‮ ‬وەردەگرێ بەمشێوەیە‮ ‬ڕازی‮ ‬بن زۆر چاكە ئەگەرنا پاشان ئێمە ناعەدالەتی‮ ‬قبووڵناكەین و ناتوانین قبووڵی‮ ‬بكەین‮. ‬سوپاس بۆ خوا پەیوەندیی‮ ‬ئێمەو دراوسێكانمان‮ ‬ڕۆژ بە‮ ‬ڕۆژ بەرەو باشتر دەڕوات و وەك‮ ‬دیارە مەرزی‮ ‬سنووریی‮ ‬حاجی‮ ‬ئۆمەران بە‮ ‬ڕەسمی‮ ‬كرایەوەو بوو بە مەرزێكی‮ ‬نێودەوڵەتی‮ ‬و پەنا بە خوا پڕۆژەی‮ ‬گەورە لە ئارادایە لەو‮ ‬ڕێگەیەدا ئەنجامبدرێ‮. ‬لەگەڵ توركیا پەیوەندیمان زۆر بەرەو پێشچووەو ئێمە زۆر بەهێزەوە پشتگیریی‮ ‬سیاسەتی‮ ‬ئێستای‮ ‬توركیا دەكەین بۆ چارەسەركردنی‮ ‬پرسی‮ ‬كورد لە ناوخۆی‮ ‬توركیا ئەمە جگە لە پەیوەندییان لەگەڵ هەرێمی‮ ‬كوردستان،‮ ‬من پێموایە بەلێكتێگەیشتن و‮ ‬ڕێز لەیەكگرتن و تەفاهوم هیچ گرفتێك نییە چارەسەر نەكرێ‮. ‬


ئێستا هەموولایەك گەیشتۆتە ئەو قەناعەتە كە بەڵێ هەرچی‮ ‬بەتەفاهوم و لێكتێگەیشتن و هاوكاری‮ ‬بكرێ سەردەكەوێ ئەمەش وادەكات باری‮ ‬ئابووری‮ ‬و باری‮ ‬ژیان باشتر بێت و وامان لێدەكات بیر لە پڕۆژەی‮ ‬گەورەترو ستراتیژی‮ ‬بكەینەوە كە ئایندەیەكی‮ ‬گەش بۆ ئەو میللەتە دابین بكات،‮ ‬لە‮ ‬ڕاستیدا ئێمە نامانەوێ ئەو گرفتانەی‮ ‬ئەو نەوەیەو نەوەی‮ ‬پێشی‮ ‬ئێمەو پێشی‮ ‬پێشی‮ ‬ئێمە تیایدا ژیاین و ئەو نەهامەتییەی‮ ‬چەشتمان جارێكی‮ ‬دیكە دووبارە بێتەوەو بۆ ئەوانی‮ ‬بە جێبهێڵین‮. ‬دەمانەوێ پەنا بەخوا وڵاتێكی‮ ‬بەختەوەرو میللەتێكی‮ ‬بەختەوەر و وڵاتێكی‮ ‬بێ گیروگرفتیان هەبێ و تووشی‮ ‬هەمان گرفت بەبن كە ئێمە تووشی‮ ‬بووین‮.‬


ئەمەش بەوە دەبێ بارودۆخی‮ ‬ژیانی‮ ‬خەڵك و خزمەتگوزاری‮ ‬باشتر ببێ،‮ ‬بێگومان ئەو پێشنیارانەی‮ ‬لە جەنابی‮ ‬قایمقام بیستمان و جەنابی‮ ‬پارێزگاریشم لەگەڵە ئێمە بە جیددی‮ ‬دیراسەی‮ ‬دەكەین و من ناتوانم بەڵێنی‮ ‬ئەوەبدەم كە هەموو جێبەجێ دەكرێ،‮ ‬بەڵام دەتوانم دووپاتیبكەمەوە هەرچی‮ ‬لە تواناماندایە بۆ بارودۆخی‮ ‬ژیان و خزمەتگوزاریی‮ ‬ناوچەكەتان ئێمە جێبەجێی‮ ‬بكەین و خۆشتان دەزانن ئێمە‮ ‬ڕێزو خۆشەویستی‮ ‬تایبەتیمان بۆ ئەو ناوچەیە هەیە،‮ ‬چونكە شۆڕشی‮ ‬ئەیلوول ئێرەبوو،‮ ‬ئێرە مەیدانی‮ ‬شۆڕشی‮ ‬ئەیلوول بوو ئەو دێهاتانەی‮ ‬دەورووبەری‮ ‬هەندرێن و زۆزك و حەسەن بەگ و سەفین دەزانین چ نەهامەتییەكیان كێشاو شەو و‮ ‬ڕۆژ لە ژێر تۆپ و فڕۆكەبوون،‮ ‬هەروەها دۆڵی‮ ‬ئاكۆیان و دەورووبەری،‮ ‬سوپاس بۆ خوا ئێستا ئەو گرفتانەی‮ ‬پێشتر لە ناوچەكەدا هەبوون نەماون و ئەوەشی‮ ‬ماوە پەنا بەخوا نامێنن بۆیە هیوادارین خزمەتگوزاریی‮ ‬باش پێشكەش بكرێ پەنا بەخوا ئەوەی‮ ‬كراوە جێگەی‮ ‬سەربەرزییە،‮ ‬بەڵام پێویست لە ئایندەشدا بەردەوام بێت و شتی‮ ‬زیاتر بكرێ‮. ‬خوای‮ ‬گەورە سرووشتێكی‮ ‬زۆر جوانی‮ ‬بەناوچەكە داوەو هەر بە گەشتوگوزار دەتوانێ نەك هەر ئێرە،‮ ‬بەڵكو‮ ‬4-3‮ ‬ناوچەی‮ ‬دیكەش بەخێو بكات،‮ ‬بۆیە بواری‮ ‬زۆر هەیە كە پێویستە گرنگی‮ ‬پێبدرێت‮.‬


مەسەلەیەكی‮ ‬دیكە هەیە كە برادەران بۆمیان باسكرد ئەویش مەسەلەی‮ ‬ماددە هۆشبەرەكانە‮ (‬مخدرات‮)‬،‮ ‬ئەمە بەڕاستی‮ ‬دەردێكی‮ ‬زۆر كوشندەیەو هەروەها بەسادەیی‮ ‬سەیری‮ ‬ناكەم،‮ ‬پێموایە پیلانێكە بۆ تێكدانی‮ ‬ڕەوشتی‮ ‬میللەتی‮ ‬ئێمە،‮ ‬ئەوانەی‮ ‬تووشبوونە وەكو دەردێكی‮ ‬لێهاتووە بۆیان دەبێ چارەسەر بكرێن،‮ ‬ئێمە هەوڵدەدەین سەنتەرێك‮ ‬یان شوێنێكی‮ ‬تایبەتمەند بەستانداردی‮ ‬جیهانی‮ ‬بۆ چارەسەری‮ ‬ئەو جۆرە كەسانە بكەینەوە،‮ ‬بەڵام ئەوانەی‮ ‬بازرگانی‮ ‬پێدەكەن ئەوان تاوانبارن ئەوان تاوانباری‮ ‬گەورەن و خائینن و لە خۆیان تاوانبارتر نییە تەنانەت ئەگەر‮ ‬یاساش تا ئێستا رێگەی‮ ‬نەداین‮ ‬ڕێوشوێنی‮ ‬قوڕسیش لەگەڵیاندا بكرێ ئێمە داوا لە پەرلەمان دەكەین‮ ‬یاسا هەموار بكرێت و ئەوانەی‮ ‬بازرگانی‮ ‬بەو ماددانەوە دەكەن بە توندترین شێوە سزا بدرێن و هیچ چاوپۆشیش لەوانە ناكرێت و من حەزدەكەم ئێوەش لە ناو ماڵی‮ ‬خۆتان و لە ناو حكوومەتیش‮ ‬یارمەتیدەرمان بن بۆ ئەوەی‮ ‬ئێمە نەهێڵین ئەم دەردە لە نێو كۆمەڵگادا بڵاوببێتەوە،‮ ‬چونكە بەڕاستی‮ ‬زۆر مەترسیدارەو لە تانك و فڕۆكەو هەموو شەڕێكی‮ ‬دیكە خراپترە‮.‬


پەیوەندی‮ ‬ئێمە لەگەڵ ئەمەریكاو ئەورووپا زۆر باشەو من بەر لە چەند‮ ‬ڕۆژێك لە ئەورووپا گەڕامەوە،‮ ‬باوەڕ‮ ‬بكەن ئەوان زۆر گرنگی‮ ‬بە هەرێمی‮ ‬كوردستان دەدەن و سەنگی‮ ‬كورد زۆر قورسە و من داواشم لێیان كرد بێن‮ ‬یارمەتیمان بدەن وڵاتی‮ ‬خۆمان دروست بكەین و ئاوەدانی‮ ‬بكەینەوە،‮ ‬ئێمە داوای‮ ‬پارە لەكەس ناكەین و سوپاس بۆ خوا خوای‮ ‬گەورە نیعمەتێكی‮ ‬زۆری‮ ‬بە ئێمەداوە وڵاتی‮ ‬ئێمە زۆر دەوڵەمەندە و ئێمە تەنها پێویستیمان بە شارەزایبی‮ ‬و تەكنەلۆژیای‮ ‬ئەورووپاو ئەمەریكا هەیە بێن‮ ‬یارمەتیمان بدەن و سوود لەو نەوت و‮ ‬غازە وەربگیرێن بۆ بەختەوەری‮ ‬میللەتی‮ ‬خۆمان و ئاوەدانكردنەوەی‮ ‬وڵاتی‮ ‬خۆمان،‮ ‬ئەوانیش بەڵێنیان داوە‮ ‬یارمەتیمان بدەن‮. ‬ئومێدەوارم بەختەوەرو سەركەوتووبن و جارێكی‮ ‬دیكە زۆرسوپاستان دەكەم و زۆر مەمنوونم و خۆشحاڵم بە دیدارتان‮.‬