فەرماندەیی ناوەندیی ھێزەکانی ئەمریکا (CENTCOM) ڕایگەیاند، چوار فڕۆکەی بێفڕۆکەوانیان لە دەریای سوور و کەنداوی عەدەن تێکشکاندووە کە لەلایەن حووسییەکانەوە لە یەمەن ئاراستەکرابوون.
فەرماندەیی ناوەندیی ھێزەکانی ئەمریکا لە ڕاگەیاندراوێکدا ئاماژەی بەوەداوە کە ھێزەکانیان لەچوارچێوەی بەرگریکردنی لەخۆیان، فڕۆکەیەکی بێفڕۆکەوانیان لە کەنداوی عەدەن تێکشکاندووە کە لە ناوچەکانی ژێر کۆنترۆڵی حووسییەکانیانەوە لە یەمەن، ئاراستەکرابوو.
ھەروەھا ڕاشیگەیاندووە کە ھێزەکانیان سێ فڕۆکەی بێفڕۆکەوان لە دەریای سوور تێکشکاندووە کە لە ناوچەکانی ژێر کۆنترۆڵی حووسییەکانیانەوە لە یەمەن، ئاراستەکرابوون.
باسی لەوەش کردووە کە تێشکاندنی فڕۆکە بێفڕۆکەوانەکان، زیانیان بە کەشتییە جەنگییەکانی ئەمریکا و ھاوپەیمانان لە ناوچەکە نەگەیاندووە.
تا ئێستا، حوووسییەکان ھیچ ڕاگەیاندراوێکیان لەوبارەیەوە بڵاونەکردووەتەوە
کۆمێنت (0)
تا ئێستا هیچ کۆمێنتێک نەکراوە.